السلاام عليكم ورحمة الله وبركاته
يا جماعه شو هالحاله … وين الخدمات الزينة وين مساعده الزباين
بقولكم سالفتي
كنت قاعد فالسيارة ملان ماعندي شغلة قبل يومين.. جيكت على الفاتورة شفتها على حدود 300درهم…هاي عادي مافيها شي…
اليوم الي بعده بنفس الوقت كنت انتظر حرمتي … جيكت عالفاتورة شفتها 480… انا هني فجيت عيوني…مع اني ماتكلمت ولا طرشت رصيد ولا اي شي… على طول دقيت على 101 استفسر…قالي لازم ترجع الفرع وهم بيساعدوك…قلت اوكي مب مشكلة.
اليوم الصبح قلت بجيك على فاتورتي قبل ان اطرش لحرمتي رصيد
شفتها 900 درهم… قلت ماذا يحدث هونا…. دقيت 101 مرة ثانيه عسب استفسر قالو لي لازم تراجع الفرع…قلت طفح الكيل .. سرت فرع “الشهامه” وليتني ما رحت
رحت عند واحد قلت له السالفه .. اول شي قالي لا يطلع عندي فاتورتك 308 دراهم.. قلت له يا ريال وين تبا…طلعت له تلفوني ورويته الفاتورة *142# … قالي يمكن تلفونك فيه شي…. شوي وقالي الرقم باسمك
قلت له هي
قالي عطني بطاقه
عطيته
لف لي الشاشه وقالي شوف هني عندك تحويلات رصيد امس واول امس
وكانو وايد
قلت له مب المفروض الليميت 100 درهم…قالي هي … قلت له شوف كم ينسحب باليوم فوق ال200درهم… سكت وما قال شي
قلت له انزين ما تقدرون تخبروني الرصيد مطرش على منو..
قالي يا تسير فرع المفرق او الفرع الرئيسي..او تشوف الريال الي جدامي يمكن يساعدك
رحت له….وقاله ربيعه السالفه
وجيك كمبيوتره
قالي مايطلع عندي الا لتاريخ 12…تباني اظهر لك لين اخر ساعه ادفع 100درهم
قلت له خيبه حق شو…البنك 30 درهم كشف حساب ومشيناها…ومنها فايده..في اماكن يحتاجونها
انتو 100درهم حق شو
قالي وبكل وقاحه: هذاك بنك ونحن اتصالات….
قلت له انزين اذا طلعتها بستفيد شي..بتسوولي شي؟
قالي لا…لازم تسير الفرع عسب تقدم شكوى وهم هناك بيشوفون الموضوع
طلعت من عندهم
بالله عليكم
انا قاعد انسرق عيني عينكم…وما تسوولي شي
نفس ما قال ربيعي…ما بيساعدوك..يبون الي فمخباك
لا بارك الله فاتصالات
انا فاتورتي تزيد بالثانية مب بالدقيقة ،،
اشتركت في خدمة البلاك بيري شهر ثمانية على رقمي الفاتورة مب المدفوعه ،، وهالرقم خير شر ما استخدمه الا يوم بسافر على اساس الخدمة ب 185 درهم في الشهر ،، وعارفه انه كل ثلاث شهور لازم ندفع الايجار 90 درهم ،،مره دقيت على *142# طلعت لي الفاتورة برقم غير طبيعي ،، انا ويهي صار عين بس
بعد ساعه رجعت ابا اتأكد من الرقم لقيته زايد ،، قلت يلهوي شو هذا بعد يا اما تلفوني قاعد يسرقني او مستلبس
رجع ابونا من الدوام قلت بخليه يشوف دقيت *142# مرة ثالثة لقيت رقم مختلف قلت بسم الله
ثاني يوم رحت اتصالات قطعت الخدمة من الخط وحطيتها على المدفوعه
المشكلة يوم تبا تقطع الخدمه يقولون لازم حظورك الشخصي وتعال عاد اتريا لين ايي دورك اففففففف
ما اعرف متى بيسمحون بدخول شركات منافسه في السوق مثل فودافون وزين اسميهم اتصالات بيلعبون تيله حزتها وبيخمسون في مكانهم
دودودودودودود
بقولك أحسن شي خذلك دووو
دو وتحلى معها الحياة
دو دودودودو دو دو
وعليكم السلام
ياليت خطأ اخوي..اذا كان خطأ بيقولون
بس هم مصرين ان مب منهم الشي ها…. عيل كيف بقدر اطرش اكثر عن100 درهم فاليوم
ويوم اقولهم ابغي اعرف لمنو مطرش يقولي ادفع 100 درهم…حشى ورقة بهالسعر؟
عندي رصيد وفاتورة…وكلن لي حاجة له