مرحبا ..

مثل ما هو واضح من العنوان ..

اذا بغيت اشتري سيارة .. شو أحسن بنك اطلب منه قرض تمويل السيارة ؟ وليش هو أحسن ؟

أتمنى أشوف ردودكم .. ومشكورين مقدماً ..

29 thoughts on “شوأحسن بنك لتمويل السيارات؟؟”

  1. السلام عليكم

    حبيت انبه الأخوان انه مصرف بوظبي الاسلامي في حال خذت من عندهم تمويل السياره يعطونك خصم خاص على التامين من شركتهم تكافل للتأمين مايتحصل في اي شركة تامين ثانيه

    بالتوفيق والله يعينكم ويوفقكم

  2. من وجهة نظري وقد لاتروق لك … خذيلج سياره نقداً .. وبتعدي عن البنوك وصدعت الراس إن امكن

  3. سلام عليكم

    احسن بنك حق التعاملات وما معقد
    مصرف ابوظبي الاسلامي

    وتوكلي على الله
    لو عندج دفعه اولى احسن

  4. انا حسابي في بنك ابوظبي التجاري
    ونسبة الفايده ع سيارات تويوتا ولكزس 3.75 %
    وباجي السيارات 4.0%

    شو الحكمه ماعرف

    وانا يالس في الوكاله ومندوب البنك بروحه اللي يراكض ويخلص
    مارحت البنك ولا راجعتهم – كله ع المندوب مال البنك

    بس يبتله شيك وكتبت فيه قيمة السياره

    بس ماعرف اذا حسابج من بنك ثاني نفس النسبه ياخذون او لا

    وهذا التول فري نمبر
    8002030

    اتصلي واستفسري

  5. أنا أعتقد أن مـصرف أبوظبي الإسلامي الارسرع والأسهل في تمويل السيارات!

    بنك إسلامي, واضحين معاج, نسبة ربح 3.99% ومش ضروري تحويل الراتب!

    بالإضافة اذا فكرتي بالدفع المبكر, ما فية عندهم شروط جزائية بالعكس يعطونج بونس عليه!

    وبالتوفيق

Comments are closed.