السلام عليكم ورحمة الله وبركاته
جمعة مباركة على الجميع
اخواني بنتي الصغيرةامس بالليل طاحت على راسها من الخلف في صالة البيت على السيراميك
المهم فقدت الوعي للحظات ووديتها مستشفى حكومي وعملولها اشعة عادية واشعة مغناطسيسة
والحمدلله على كلامهم قالو مافيها شي
بس انا أبغي اطمن عليها اكثر والله
ياليت تخبروني عن أفضل مستشفى خاص في دبي ولا في الشارجة لعمل الاشعة والتخصص في الراس
اتريا ردودكم اخواني
الله يشافيها و عافيها
الايراني ماينفع يااخوي حسب ماسمعت
ولكير يمدحوونه
الظاهر إنها أول مولود لك.
يا ريال أنا كنت مثلك، يوم ياني ولدي الأول، كل ما يصيرله شي ركضت به المستشفى.
بس الحين، نادر ما أودي عيالي المستشفى إلا على أشياء كبيره لأن صارت عندي خبره
.
و إذا على الطيحه و الترضّيخ، يوووووه، عيالي طاحوا كثر شعر راسك، شوية تهوّيس على الورمه و شوية ثلج (كمادات يعني)، و كان الله غفورا رحيما.
بس إتحمل، لازم تعرف أعراض النزيف الداخلي من خلال،
1- لا تخليها تنام وقت الحادث لأن نومها يمكن غيبوبه و إنته ما تدري.
2- لاحظ حالات الإسترجاع الحاصله لها.
3- لاحظ سيطرتها على يدها و ريلها. يعني إذا تمشي، حاول تمشيها و إذا ما تمشي، حاول تعطيها شي و شوف إذا تقدر تمسكه.
بس عندي ملاحظه يا أخوان،
صحيح ان السراميك شكله حلو و أريح للتنضيف، بس هو خطر على الأطفال. يعني اللي لازم يسوي سيراميك، أنصحه إنه يفرش غرف النوم على الأقل.
فديتها
ما تشوف شر
الله يبعد الاذى عنها ويشفيها