مرحبا طبعا بين كمن يوم اطلعلكم بسالفة يديدة
بس شوو اسوي احب استشيركم واّخذ رايكم
وطبعا اللي عنده تجربة بيكون افضل
بو العيال طول الله بعماركم عنده مهمة لمدة اسبوع لفرنسا وحاب اني اسير وياة
بس بشرط اللي هو بدون العيال والسبب انه المدة قصيرة وما يحتاي نتلعوز وياهم وطبعا عمارهم فديتهم 7و6و1 
انزين طبعا مع تعلقي الشديد بعيالي ما اروم افارقهم 
وبصراحه خاطري اسافر بس انا قلبي رهيف اخاف انكد عليه عيشته بسبب شوقي لعيالي 
هممممممم محتارة اسير واقوي قلبي والا اخليه يسير روحه 
وحد جرب السفر ويا عيالة ؟ والا بدونهم فيدوني تراني محتارة وايد بس والله ما اروم اصبر عنهم انا اسير الدوام وارد احس انه ما استحمل لين ما اوصل للبيت في نهاية الدوام
شورو علي مع تجاربكم الحلوة 
ما عليج توكلي عالى الله دام اليهال عند امج بس حاولي اتشيلي الصغيرون اذا تقدرين
اكلمج عن تجربة لاني مريت بها سافرت وخليتهم
توكلي توكلي بسراحة رحله ما تتعوض
مشكور اخوي على النصيحة
بارك الله فيك
اختي انصحج تروحين معاه لانها بلاد غربة والفتن ما اكثرها وبالتوفيق
اشكرك اخوي على اهتمامك للموضوع اكيد راح ايكونون في ايدي امينه عندي ماماتي وخواتي يعني بيشبعون طلعات ووناسه
احسن حل على قولتك اخوي
صلاة الاستخارة
مشكور على المرور
مرحبا اختي اول شي اقوول الله يعيينج الصراحه العيال ظنا وصعب الواحد يفارقهم بس بعد ريلج يستاهل تكونييله ونيس فالسفره انزين اسبوع مقدوووره عليها تقدريين شوي تتمالكيين نفسج بس سؤالي هو هل عيالج بتخليينهم هني في أيدي امينه ولالا؟؟؟؟ لو كلشي اوكي خلاص توكلي على ربج وصلي استخاره وسيري ….