السلام عليكم ورحمة الله وبركاته

اخواني واخواتي الاعضاء ، يوم السبت اللي فات ( وطبعا هذا اليوم هو يوم مخصص للعائلة عندي) شليت الحرمة والصغارية ورحت بغير جو وياهم .

المهم اتشاورنا وين انسير وين انسير ، وآخر شي اتفقنا انسير العربي سنتر ) وطبعا هذا سنتر يديد تم افتتاحه يوم السبت الفائت في المنطقة اللي جدام مردف ( اعتقد المزهر ) لاني مب لين هناك في مناطق دبي
دخلنا السنتر ولفينا فيه ، والصراحه شفت منظر مب الا رفعلي الضغط الا كنت بنفجر من الغيظ

اتصورا يوم سرت منطقة المطاعم شفت مطعم تايلندي ( طبعا لحد الآن كل شي طبيعي ) بس الصراحه انقهرت من المكتوب عليه ، اتصوروا ولا كلمة عربية ( بعد ولا كلمة انجليزية ) ، المطعم كله تايلندي في تايلندي من الكتابة الى الاكل لين الناس اللي فيه .
شوفوا الصوره واحكموا ، وما اقول غير ( تحيا الهوية الوطنية )

7
7
7
7
7

7
7
7

7
اترك التعليق لاقلامكم

19 thoughts on “شوفوا الهوية الوطنية في العربي سنتر”

  1. اخوي ترى الكتاب ايبين من عنوانه

    انته مانتبهت لاسم المركز

    العربي (( سنتر )) ^^

    خلهم قبل ايغيرون كلمه سنتر الى مركز تسوق

    عقب

    حاسبهم على الي داخله

    والسموحه

    بالفعل

    الكتاب يبين من عنوانه

    انتهاك اللغة العربية (مب بس الوطنية) في اسم المركز ..

    يعني (العربي سنتر) لا هي ترجمة للاسم الانجليزي (Arabian Centre) لأن تركيبتها العربية سيئة جداً..

    ولا هي مجرد نقل للعربية مثل (دبي مول) ، يعني لو سموه مثلاً (أرابيان سنتر) بيكون معقول كنقل للاسم الانجليزي إلى العربية..

    لكن لا هذا ولا ذاك ..

    يا شماتة أبلة العربي فيكم..

  2. اخوي ترى الكتاب ايبين من عنوانه

    انته مانتبهت لاسم المركز

    العربي (( سنتر )) ^^

    خلهم قبل ايغيرون كلمه سنتر الى مركز تسوق

    عقب

    حاسبهم على الي داخله

    والسموحه

  3. شو فيها .. أشوف مطعم شهرزاد اللي في بانكوك لوحته بالعربي والمنيو بعد
    والعرب اللي فيه يضربون المجابيس بالخمس وآخر حلاااااااااااااااااااااااااااوه.

  4. واحد ساير ياكل أكل تايلندي خليه بالمره يتعرف على لغتهم..

    ما اعتقد الموضوع يرتبط بالهويه .. لا نكبر المواضيع

Comments are closed.