شوفوا شو ربحت. كيف و ليش مدري

بخبركم سالفتي اليوم . كنت اليوم اتمشى في احد المولات عندنا فالدولة

( بدون اسماء عشان ما يقولون اني اشجع عالشباب عالحواطه )

المهم وانا اتمشى . يتني بنيه اسيويه تعرض علي شاي جديد عليه عرض امسح و اربح .

اخوكم كان فاضي قال يتطمش . منها يشرب شاي ( السامبل بلاش ) و منها يجرب حظه

عرضت علي الكرتون ب 10 دراهم او اني اشتري الصندوق الكبير ب 220 درهم

انا اخترشت و شريت الكرتون ب 220 و عطوني 22 قسيمة

الشي الغريب اني ربحت ……..

اثنين بلاك بيري الجديد 9700

تليفون نوكيا e66

7 شنط رياضية نوعيه جيدة

5 كاسات شاي كبيرة

محفظتين جلدية حلوة

غلافين جوازات

يعني لو ييت احسب قيمة الي ربحته . يمكن اكثر من 2500 درهم ؟؟!
و مب انا بس انا قلت بتطمش لقيت 30% من الناس يربحون موبايلات منوعه

احينه انا ابغي اعرف ؟؟ شو هالحملة الترويجية الجامدة . انا قلت للبنيه الي تشرف عليهم مب كنه غسيل اموال لول زين ما شلت الهدايا عني .

انا باجر ان شاءالله ساحب الرصيد كله و ساير اشتري شاي .