من يومين كنت في السعودية وبالتحديد في الخبر مريت على الجميح وكيل الجمس وسألت على اليوكن دينالي 2009 فول اوبشن سعره ب 194000 درهم هذا طبعا بعد ماحولته للدرهم اليوم مريت عند بن حموده وسويت نفسي بريء وسألته على نفس السيارة طبعا بعد خصم وماعرف شو طلع الموتر ب 219000 درهم يعني فرق 25000 طبعا سألت موظف بن حموده على الضمان وقلت له مثلا لو كنت رايح عمره واخترب الموتر علي في السعودية منو بيصلحه قالي الضمان شامل الخليج وبلاد الشام وانته عليك انك تتصل بخدمة المساعده على الطريق وهم بيودون الموتر عند اقرب وكيل وكله عل الضمان طبعا كشرت عن انيابي وقلت له عيل باخذ الموتر من السعودية لانه ارخص ب 25000 الف قالي لا اكيد مب نفس السيارة كلت له نفسها وفل اوبشن طبعا اتغير كلامه وقال لا مايستوي تتصلح السيارة عندنا طبعا اتغير الكلام حاولت افهم ليش هذا الفرق في الاسعار ماعطاني جواب مقنع رديت عليه بك ثقه وقلت خليييييها اتصدي
9 thoughts on “شوفو الفرق بين السعودية والامارات”
Comments are closed.
الله كريم!!!!!!!!!!!!!!!!!!!
السوزاكي الجراند فيتارا 2009 السته سلندر
3200سي سي الفول اوبشن في السعوديه 89000ريال الاوتماتيك
وفي الامارات 106000درهم
صحيح كلامك بس هذا في التيوتا اما عن الجمس ابصم لك بالعشرة مافي فرق انا اليوم اللي كنت راد فيه من الخبر مريت الدوحه في الحدود شفت اثنين من اخوانا القطريين مشترين كل واحد منهم جمس بكراطيسه وكانو يخلصون معاملته عل الحدود الظاهر اخوانا في قطر عندهم نفس الحاله في فرق في الاسعار
اخوي اللي اعرفه في فرق بين مواصفات السعوديه والامارات
عندك عبد اللطيف الموجود في السعوديه اعتقد وكيل تويوتا او غيره
المسجات اللي في السيارات مايكونن وكاله والسماعات بعد
يعني في فرق .. وواحد سعودي رامس بهالرمسه من فتره
لكن نسيت لاني داش كنت عرض خخخ ..
لكن بعد وكالائنا حراميه .. بس وارد عمان نفسنا او احسن عنا ..
على حسب السياره