حذر رئيس اتحاد الجمعيات التعاونية محمد المطيري الشركات المنتجة للبيض من الاصرار على رفع أسعار البيض في الجمعيات, مؤكدا ان الاتحاد وجمعياته »لن يرضخا لهذا الابتزاز ولن يسمحا باستغلال الشركات الوطنية لحاجة المواطنين, حتى لو ادى الامر الى مقاطعة وجود البيض الكويتي في الجمعيات التعاونية.
وقال المطيري في تصريح له امس, ان الاتحاد سيلتزم التعميم السابق للبيض الكويتي وتحديد السعر الجديد للبيض الهندي بقيمة 650 فلسا للطبق, مطالبا الشركات المنتجة للبيض بالتراجع عن موقفها والابقاء على اسعار البيض الحالية, والا فسيلجأ الاتحاد الى الاستيراد من الخارج لسد النقص الموجود حاليا.
650 فلس يعني كم صندوق بنشتري
واحنا وصل 25 درهم ومب رايمين نسوي شي
هالفرق بينا وبينهم مايخلون التجار يستغلونهم
انا شكلي بتعاقد مع شركه بالصين واستورد منها بيض تقليد ( بنص السعر ) 3 بيضات بدرهم
الحجز مقدمـــــــا
وحياتك اشترلك كم ديايه م هذيلا الي يبيضن و انته و الخير رباعه!!!
مسوينها سالفه
قبل كم يوم شفت في كارفورد نص كرتون بيض بدل الكرتون الكامل المعروف المهم سعره كان غالي لكن قلت عشان خاطر اليهال الصغاريه حرام نحرمهم سرت وخذيت علبتين يادوب يوصلون حجم الكرتون العادي
المهم وصلت الكاونتر قالي مسموحلك تشتري علبه وحده بس
قتله ياخي انا اشتريه بفلوس مب متصدقين علينا انتو
قال هذا قانون
قتله خلو بيضكم لكم ولبستهم والحين من اسبوعين بيتنا فاضي من البيض والحمدلله عايشين دام الموضوع وصل الى هذا الحد من المذله يخلونه لهم
امسات اشوف البيض في الثلاجه .. شارينه اب 23.50 ^^ قلت والله زين يت منهم ينقصون ريالين
انتـــو فاهميـــني غلــــــــــط ……….
انا ما قصـــدت ان نحـــن نسكـــت ونحط راسنــا شرات النعـــام ….
أنــا اللي قصـــدتــه …بان نحــــن مقــاطعيــن البيــض …ومب لازم نشتريه …
اوكيــه ..انا ويــاج ان البيض وغيــره بارتفـــاع مستمر ..ولو ما رمسنا ما بيستوي شي ..
ولكــن نحن نرمس …ولا زلنــا نرمس ..وبنتم نرمس ..ولكن لازم نفعل …نسوي شي عملي …
كل حد يسمع رمستنا …كل يوم في الاذاعات ..في الجرايد ..في التلفزيونـــات …….
وباختصـــار شديد …….مقــاطعة البيض عمليا ..خيرن من الرمســه اللي ما تغيـــر شي ….
والسمــــــوحه ع التطويل ……