السلام عليكم
عندي صديق يبغي ياخذ مبلغ 900,000 درهم من مصرف اسلامي عن طريق التورق
ويبغي يسوي مشروع تجاري يساعده على الحياة ومتطلباتها فسالني شو ممكن اسوي
قلتله اصبر لاتستعجل انا بحاول اسال شو ممكن اتسوي بالمبلغ وبرد لك خبر
عاد اهني ابغي مساعدة اهل الخبرة في مجال التجارة و شو ممن يسوي الريال من مشروع جيد
علما ان المبلغ مليون درهم والقسط بيكون 11400 درهم شهريا لمدة 11 سنة
هل هذي فكرة جيده انة ياخذ المبلغ و لا لا وهل ممكن ان المبلغ يغطي القسط الشهري وفوقها فايده؟؟؟؟؟

ارجو مساعدة الرجال في اتخاذ ماهو صائب بهذا الخصوص ولكم جزيل الشكر

19 thoughts on “شوممكن اسوي بمبلغ 900,000 درهم للخبراء”

  2. اخوي الي يقول عن الشقق ..

    ماشي شقق تييب 22 الف في الشهر !!! اسمحلي حشى مب شقق

    اخوي تآخذ دين تسوي بيزنس ما انصحك .. اووه ذكرتني بأيام الخوالي .. لين اليوم ندفع القسط حسبي الله ونعم الوكيل بس ..

    اسمع شور مجرب .. انا ادفع لين اليوم للبنك .. والفلوس في الهواء راحت ..

    يمع حبه حبه .. وسوي بيزنس على قدك .. صدقني .. والله فيها ندم

    على العموم الله يوفقك .. بس نصيحتي .. لا تآخذ من البنك الا وانت داش البيزنس .. وحمد الله ناجح وتبى تكبر البزنس ..

  5. انت طالب ردود الخبراء بس..يمكن اللي مب خبير عنده شور طيب..

    اذا تسمحلي أدلو بدلوي …

    اقتراحي ..انه ما يتسلف لين يلقى شي مضمون ومتأكد منه 100%.
    وتعرف اخوي الشخص يوم يفكر من دون فلوس غير تفكيره يوم معاه فلوس.

    ياخذله شقق تملك يأجرها أقل شي 22 ألف شهريا شي حلو ..
    و 900 ألف يمكن والله اعلم اييبن شقتين محترمات ..
    بــ 22 ألف يدبل القسط الشهري ..و22 الباجيات يستانس فيهن .

    والسموحه منك اخوي العزيز…

Comments are closed.