شوه احسن التيما 2007 ولا كامري 2007

61 thoughts on “شوه احسن التيما 2007 ولا كامري 2007”

1. الكامري والله حلوة الصراحة

2. الاخت افضل الكامري عملية أكثر واضمن من الالتيما مب ثابتة شرات الكامري

   وسعرها فيها اما الالتيما بتعانين مع التأمين واذا تبين نصيحه خذي اللكزس اي اس احلى وتقريبا اغلى من الكامري ب 30 الف اسالي عنه واذا بغيتيه خضيه من البريمي ارخص من الوكالة ونفس الضمان والصيانة عادي فالوكالة اسالي عنها وشكرا

3. والله أنا جربت الاثنين كان عندي التيما 2006 و بعتها و أخذتلي كامري 2007 من ناحية الشكل وصلابة البودي الكامري أحسن وكذلك من ناحية صرف البترول الكامري أقل ولكن من ناحية الرساوة على الخط و العزم الالتيما أفضل و القرار لك

4. للأسف سوقنا لحد اليوم متعلق بالياباني و بالذات الكامري

   ولحد اليوم متعلقين بخرافات بسعر اعادة البيع بعد الأستخدام و معظم الناس متمسكة بها الرأي و اكيد المعارضين وايدين

   أولا : الأمان مشهورة السيارات اليابانية بفشلها من ناحية توفير وسائل الأمان وضعف ثباتها في المنعطفات و حالات التصادم تتقطع اجزاءها بسهوله

   ثانيا الصيانة: تحتاج الى استبدال السفايف في مدة قصيرة يعني كل 15000 كيلو
   قطع الغيار : رخيصة جدا وهذا ما يبحث عنه الزبون ( نوعيه ليست ذات جودة عاليه )
   الهدوء: عوازل الصوت عادية و لا تمتص الأزعاج بدرجة كافيه
   و الكثير الكثير يمكن الشباب بيطلعون فضائح الياباني بلا استثناء النيسان و التويوتا
   بيع الألماني في دبي و شوف كم بيوصل ( فيها أوروبيين )
   جرب تشتري أي سيارة المانية أو سويدية وشوف الفرق بس زيد 10 الى 15 الف واشتر الأمان
   وخل التكاسي بعيد

   مع احترامي لمالكي الكامري و التيما

   اتفق معاك في كل كلمة

   فيه سيارة حلوة وايد وفخمه ومب غالية وشوي اصغر من الكامري ..
   المانية ذات جودة عالية جدا ومواصفات رائعه
   عمر قطع غيارها طويل جدا بالمقارنة مع الياباني
   الضمان 3 سنوات بدون تحديد
   داخليتها اذا كانت جلد باللون البيج(كريمي) والخشب الاصلي يعطيها مظهر وايد فخم
   تتوفر بانوار زينون وحساسات وتثبيت السرعة و6 ايرباج ومساحات المطر الاتوماتيكية ورنجات 17 انش وفتحه وشاشة معلومات وتنبيه في حالة انخفاض الهواء في الاطارات ووووو
   ومحركين الاول 1,6 ليتر بقوة 115 حصان والثاني 2.5 ليتر 5 سلندر بقوة 150 حصان
   والاسعار من 74 الف الى 95 الف واذا مواصفات رياضية ب 99 الف درهم
   السيارة راقية
   

5. وين الهوندا اكورد في هذي المقارنة؟؟؟

   اشوف الهوندا اكورد .. سيارة ممتازة من ناحية العزم والتحمل .. و اوسع من الكامري اليديدة والالتيما

Comments are closed.