شوه الافضل 12 سلندر او 10 او 8 …

12 thoughts on “شوه الافضل 12 سلندر او 10 او 8 …”

1. انا مع السته سلندر، الثمانيه في الصالون دفش فيه قوه اكثر من ما احتاج في المدينه، ويعتمد انته شو تعودت تسوق. واغلب الي عندهم 8 سلندر تلاقيهم كله مخالفات سرعه.
   السته ممتاز صيانه اقل وقوه معقوله وبعض الاحيان ممتازه (300 حصان) وصرفيه اقل وسهل البيع.

   ال 12 سلندر لازم كل فتره تقبضه خط عشان يفتح وما يكربن.

2. انا اشوف 8 سلندر من كل النواحي

   وخاصة في اللكزس ما عليه كلام واحسن عن 6 سلندر

3. انا الصراحه احب السياره 6 سلندر لان صرفيتها اقل ومرغوبه اكثر اذا بعتها

4. مشكورين شباب ع المشاركات الطيبه ولين الحينه الاغلبيه حق الثمانيه سلندر انزين شوه رايكم بالاودي a8l 12w

5. من ناحية الصرفيه كل ماتكبر المكينه كل ماتزيد الصرفيه بس مب كل مره 12 سلندر يصرف اكثر عن 10 سلندر
   يعتمد ع الشركه كيف تقدر تقلل صرفية البترول فيهاا

   عن قطع الغيار 12 سلندر اغلى
   بس طبيعي اذا تبا تقارن نفس القطع في 8 و 10 و 12 سلندر بيكون 12 سلندر اغلى لان حجم القطعه اكبر

   وعن القوه تحصل سيايير 8 سلندر تقطعلك 10
   مثلا e63 اقوى عن m5 واسرع وجيه يعني
   القوه ماتعتمد ع السلندرات لان زيادة السلندرات تزيد الاحتكاك في المكينه
   يعتمد ع سعة المكينه كم ليتر
   كل ماتزيد السعه كل مافرصة الحصول ع قوه اضافيه تزيد
   هو يعتمد ع شطارة الشركه وكيف تقدر اتظهر قوة المكينه منهاا
   مثلا فيراري بدون توربو قدرت اتظهر 560 حصان من مكينه 4.5 8 سلندر
   اما بي ام من مكينه 5.0 10 سلندر بس 507 حصان وجيه يعني

   عموما انا اشوف ان احسن مكينه لنا عسب الخطوط والمدينه وجيه 8 سلندر
   12 سلندر مالها لزمه الا اللي يبا يداعس

Comments are closed.