شو احسن تواير لمورانو ورنج وانفيتي ولاحد يقول الوكاله احسن

29 thoughts on “شو احسن تواير لمورانو ورنج وانفيتي ولاحد يقول الوكاله احسن”

1. التاير اذا تبينه قوي ومن ضربات خفيفه مايبنشر مثل ضرب رصيف
   يكون من كل الجهات صلب وهذي النوعيه تعمر بس مب مريحه وتسوي صوت
   وفيه نوعيه تكون بس الجه الملامسه لشارع تكون صلبه وهذي نوعيه مريحه وخفيفه وبدون صوت
   فما يفرق بين برجستون والمشلان ألا انك تختار واحد من الاثنين
   بس أنا ارشح المشلان
   والله يوفقج

2. انا اقول البريجيستون من احسن الانواع
   سواء في المناطق الداخليه او الخارجيه قويه وتتحمل

   بريجيستون وبس

3. لو تبين الهدوء ركبي يوكوهاما

   أما التاير اللي ينصحون به أغلبية المحلات هو البرجستون ومن ناحية ليش الميشلان غالي هذا لأنه صناعه اوروبيه (فرنسيه) وانا اشوف البرجستون احسن منه وشكله احلا بعد وسعره ارخص
   (هب كل شي غالي جودته عاليه)

4. احسن تواير معروفه على مستوى العالم هي البيريلي بس غاليه
   اما اذا كنتي تبين سعر مع جوده ركبي فيرستون
   هذي نصيحه قالي اياها واحد خبير و له ميزان اسمه ميزان الفرج للسيارات و هو ميزان معروف على ما اعتقد لكل الي يسيرون مصفح

5. الميشلان من افضل التواير في العالم في الجودة .. والبريجستون ناعم على الطريق بدون اصوات

   الاثنين ماعليهم كلام .. بس تاكدي من تاريخ صنع التاير وهو 2007

Comments are closed.