شو احسن تواير لمورانو ورنج وانفيتي ولاحد يقول الوكاله احسن

29 thoughts on “شو احسن تواير لمورانو ورنج وانفيتي ولاحد يقول الوكاله احسن”

1. عن تجربة …
   بعد البريللي والميشلان … ما شي
   صح أسعارهم أغلى ، لكن تأكد إنك بتدفع لشي يستاهل

2. و الله اي تاير بس ايكون اصليي ..

   لأن اللي عند الايرانيه 70 % منه تقليد

3. احسن التواير البريدجستون لان الـ grip ماله اوكي ومايحرق وماتزلق ع الماي

   والتاير بريدجيستون من نوع scorpion وسعر التاير الواحد من 500 لـ 600

   وفي تواير continintal بس غاليات يعني مقاس 18 بـ 1100 للتاير الواحد

   الكونتيننتال في بوظبي-مصفح في الميزان الوطني تحصلينه

   اما البريدجستون في بوظبي شارع السلام وكالة المسعود للاطارات

4. شوفو هني تصنيف التواير وأسعارهن

   أضغط هنا

5. «®°·.¸.•°°·.¸¸.•°°·.¸.•°®» السلام عليكم ورحمة الله وبركاته «®°·.¸.•°°·.¸¸.•°°·.¸.•°®»

   اختي انا الصراحه على سيارات السبورت اركب بيريلي لأنهم ناعمات لكن بسرعه يروحن

   أنصحج بالميشلن . الصراحه افضل تواير اشوفها لأنهم مب شرات البرجستون اللي ما ينفع . الميشلن اذا نقع في الشارع وانتي مسرعه ما يتيلف او يفصخ في الشارع + يستحمل الحراره الشديده او تدقيبه مليون رصيف ما يخترب التاير بعكس بيرجستون اللي في الحر يورم التاير ويسويلج رقله وفي الشمس عالاطراف يتقطع ..

   اذا بتاخذين للرنج والموراني خذي بريلي او ميشلن .

   اذا بتاخذين للنيسان والجمس عليج بالميشلن تواير اسمها LTX

   ومثل ماقالو الشباب اتأكدي من التاريخ ومن ضمان التواير لأنه عليهم ضمان سنتين أو 5 سنوات .

   وأتأكدي انهم مب مستعملات يعني اذا يابلج التواير مب مقرطسات فريهم في ويهه . لازم التاير يكون مقرطس وعلى القطاس ختم عسب تعرفين الاصلي من التجاري

   والسموووحه

   اخوكم
   ][®][^][®][ الرميثي ][®][^][®][

Comments are closed.