شو احسن عازل للسيارة ؟؟؟؟؟؟؟؟؟؟

25 thoughts on “شو احسن عازل للسيارة ؟؟؟؟؟؟؟؟؟؟”

1. محل لـــمــســـات ماشي مثله

   انا ركبت عنده على BMW X3 بـ2500 درهم وأستخسرت المبلغ في البدايه بس لأن السياره يديده قلت يهون

   بس يوم ركبته احس انه فرق في الحراره من اي سياره عليها مخفي عادي والرؤيه واضحه من الداخل في الليل أو النهار مع أن النسبه قويه بخلاف أنواع المخفي العادي حتى لو 40% ما تشوف عدل من داخل خاصة في الليل يوم ترجع ريوس في كراج البيت لازم تنزل درايش السياره

   والصراحه فيه لمعه من الخارج تبين حلوه جدا

   نصيحتي لك ركب عند لمسات

   

2. السلام عليكم

   انا امس سرت معرض في كول اللي في الميغامول قالوا لي بيركبونة على 2700 .
   المهم انا طلعت من عندهم و سرت وكالة الفطيم اللي في عجمان قالوا لي بيركبونة على 1575درهم.

   و الاخ
   uaehyman
   اذا تبا نصيحتي سير عندهم و مرة وحده خلهم يشمعون السيارة و يحطولك زوبر.

   يعني مخفي 30% ((اذا تبا تزيد على مسؤليتك)) 1575
   +
   تشميع 1200
   +
   زوبر 980

3. السلام عليكم

   أنضم إلى الأخ وأطلب الرأي في نوع العزل الحراري الأفضل..

   الأفضل من ناحية العزل والتركيب !!!

   وما هي أفضل نسبة تحقق الغرض من التلوين.

   الشركات : في كول / لمسات / تيتانيوم / سولر جارد/ شركة زيبارت (كلداري)

   السيارة : لندكروزر 2008

   الي عنده فكره عن نسبة الحماية من أشعة الفوق البنفسجية و نسبة الرؤية و سعر ، ممكن يخبرنا…. لو سمحت

4. يا جماعة الخير انا مطلع سيارة من الوكالة من سنة تقريبا و اول ما طلعتها قلت خلني اركب مخفي مرة وحده و افتك من حرارة الشمس المهم قالولي بدون منافس V-CooL المهم سرت و ركبته ولقيت ترحييييب قبل لركب المهم ركبته انصدمت ان السيارة بدون مخفي احسن من ال V-CooL واتصلت اسأل عن الضمان وكالعااده مماطله وتهرب و لين اليوم انا معاهم في مشاكل..
   هذا رأيي وعندي ادلة واللي مجرب يعطينا رأيه المشكلة الناس تثق بالغالي حتى لو ما جربوه!!!

   أخوي العازل الحراري ما بيعطيك عزل كامل للحرارة، نسبة العزل تكون بسيطة،

   ولو تخبرنا شو المشاكل الي صادفتها؟

   أنا مركب في كول من سنة والحمد لله للحين اوكي

5. في كول هو الافضل

   لمسات و البقية خربطان في خربطان

   اسأل المجرب

   في كول غالي بس سعره فيه.

Comments are closed.