السلام عليكم
اكيد وايدين سافروا برع البلاد او حتى داخل الدولة واضطروا يسكنون في فنادق , شو احسن فندق سكنت فيه بنظرك ,, وشو المميز فيه ,, وهل عندك صور للفندق ..؟
بالنسبة لي احسن فندق سكنت فيه هو
Champs-Elysées dubai
وهذا موقع الفندق
وللاسف ما تفيجت اصوّر لانه ماكان عندي كميرا ولا اي مناسبة للتصوير .. والشيء الزين في ادارة الفندق انهم عطوني سعر خاص من كثر ما حجزت عندهم .. 200 درهم بس لليلة !! فندق نظيف نظيف نظيف واقتصادي .. لكن الحين مبند لتغيير الادارة بادارة جديدة ..
فندق زاخر في أبوظبي…..نصف نجمة فقط
90 درهم فقط لاغير ويلعن أبو الفقر…..بس متروس بتان وهنود والمحتاج يركب الصعب!
اخر فندق سكنت فيه ذا دريس اللي عند دبي مول خطير وفنان وماعليه كلام وجربت اطلانتس وعطوني دخول الحديقه المائيه ببلاش خخخ والمطعم اللي عندهم تحت اللي نظامه بوفيه 10/10 صراحه وعندك كروان شارع زايد زين وعندهم مطعم للسهره حليو و الانتر فيستفال راقي وحلو وروتانا ارجان اللي صوب الميديا ستي حجزت شقه مع مسبح صقعت براسي فيه وعدالهم في الميديا مبنى رقم 6 مطعم هندي خطيييير تروم تطلب وايبه لك ولا تسير تاكل عنده اسمه جازيبو و عندك جميررا بيتش ساكن فيه من زمااااااااااااااان حلو .. برج العرب سكنت وياه ويا الشباب طلع علينا ب8000 وشويه هذا من سنه تقريبا وبعد عندك حبتور اللي صوب ذا وك استقبالهم اي كلام والرسبشن معاملته زفته صراحه اول واخر مره اسكن فيه وعندك بعد القصر ماسكنت فيه بس دخلته لاني متعني لمطعم داخل هندي بس عجييب وقلت بسكن فيه بس رحت ولا رديت له وشكلي من يبرد الجو بجربه هو وارماني ..
برج العرب شو إنته تتحراه من غلاته يعني أذكر كنت أحجز عندهم
اليوم بـــ 3400 ومرات بـــ 3000
أما قصر الإمارات أحيده كان بـــ 8 آلاف وشوي يوم حجزت عندهم
لــــيــــــت الـــزمــــان المـــــاضــــي يـــعـــود كــــانـــ الـــفـــرحـــ والإنـــس لـــي عــــاد
هيييييه يالسنافي
اسميك بطران ها شو برج العرب وقصر الاماراات هههه
الصرااااحه أنا أحلى 3 فنادق حجزت عندهم في لبلاد
فندق برج العرب وطبعاً غني عن التعريف نزوره بين فتره وفتره للهروب من عناء الحياه ولراحه النفسيه
وفندق أبراج الإمارااات لي في دبي سابقاً كنت زبون دائم
وفندق قصر الإمارات لي في بوظبي حجزت فيه مره وحده
وبخصوص الصور الصراحه ماصورة شي منهن لأني ماحب التصوير حدي صور جواز <<< خخخخ ..