السلام عليكم ورحمة الله وبركاته

شباب حد يدرس في معهد ادنوك او واحد كان يدرس فيه وتخرج الاني افكر ادخل ؟؟

اريد حد ينصحني ؟؟؟

22 thoughts on “شو اريكم في معهد ادنوك ؟”

  2. السلام عليكم

    مثل ما ذكروا الاخوان

    معهد ادنوك الفني و المعهد البترولي هو في البداية للشباب المواطن و يفتح فرص كبيره جدا للشباب

    الاختيار بينهم يعتمد على ظروف الشاب الخاصة و قدراته

    اذا كانت ظروفك جيدة و مستواك الدراسي عالي توجه للدراسات العليا في المعهد البترولي او اي كلية و بعد تعبك بيوصل راتبك اكثر عن 35 الف

    لكن لو اتحس عمرك اتواجه صعوبه في الدراسه او عندك ظروف ما تسمحلك تكمل دراسة، عندك الهد ادنوك الفني، و تقدر تحصل على شهادة تساعدك في العمل بوظيف جيده و براتب شهري عالي جدا بالمقارنه مع وظائف اخرى لا يقل عن 24000 درهم و يصل الى 38,000 درهم و اكثر

    و بعد التوظيف بسنتين اذا تحسنت ظروفك و حسيت عندك القدره اتكمل دراستك، يعطونك فرصه اتكمل دراستك الجامعية مع راتب و وظيفه مضمونه، و اتكون عندك خبره بتساعدك في دراستك، طبعا لازم اتقدم امتحان في كلية التقنية لتحديد مستواك في الانجليزي و الرياضيات، و تقدر تحصل على شهادة في الهندسة

    انا شفت مدير بدأ من المعهد الفني و الحين عنده شهادتين ماجستير

    طبعا اذا تقدر تضغط على عمرك و تكمل الثانويه و تدخل الجامعه افضل بوايد لكن دخولك المعهد الفني هب معناته النهاية و نص المهندسين في ادنوك درسوا في المعهد الفني في البداية و كملوا دراستهم

    و الوظايف وايد بس للي بيتعب شوي ( حاليا من كثر النقص في الفنيين و المهندسين بدأ توظيف خريجين وافدين جدد و تدريبهم لوظايف و درجات عالية جدا بالنسبه لوافد و انت بإذن الله من اتخلص دراسه تاخذ مكانه)

    استخير و توكل

Comments are closed.