شو اشتريت من المنتدى؟؟!!! (بالصور)

29 thoughts on “شو اشتريت من المنتدى؟؟!!! (بالصور)”

1. انا آخر شي خذته من المنتدى
   اشتريت عطر من h656 اسمه Tom ford tasken Leather 250 ML والصراحه تعامله راقي والعطر روعه .
   وهذا موضوع الاخ h656
   http://satfrequencies.com/invest/uae23940…light=tom+ford
   وهذي صورته
   

   ………………………………………….. …..
   وقبل

   خذت من المبدعه شمسه المهيري عطور بخاخه
   . من هذا الرابط :
   http://satfrequencies.com/invest/uae239149/
   وهذي الصور :
   
   والصراحه روعه وشمسه قمه من الذوق والاحترام .

   ………………………………………….. ………

   وخذت دهن عود معتق و أجار من الاخت عيوني
   من هذا الرابط :
   http://satfrequencies.com/invest/uae75366/

   والصراحه الاخت عيوني (ام خليفه) طيبه جدا ومسكينه بروحها يابتلي الاغراض لمقر دوامي . قمه في الاحترام والذوق والصراحه ما شفت افضل من دهن عود عيوني وافضل من عطورها واجارها .

   ………………………………………….. …………

   وخذت عصا فزاع و عصا الشيخ من الاخ بو راشد
   من هذا الرابط لعصا فزاع :
   http://satfrequencies.com/invest/uae95015/
   وهذا الرابط لعصا الشيخ :

   وهذي الصور :
   عصا فزاع
   

   عصا الشيخ
   

   والصراحه بو راشد شهادتي فيه مجروحه , ذوق واحترام وبضاعته شيوخيه وممتازه .

   ………………………………………….. …………

   وايضا قمت بالتعامل مع الاخ namoor للمساعده باستيراد اغراض من اميركا والريال والله حشيم وقمه في الاخلاق وأمين والصراحه شهادتي فيه مجروحه .

   ………………………………………….. ………..

   وايضا قمت بالتعامل مع الاخت الشعالي وماشاءالله قمه في الاحترام . لكن فقدناها في المنتدى والله

   ………………………………………….. ……….

   وايضا قمت بالتعامل مع الاخ ناصر بوهزاع بشراء بعض الحيوانات
   من هذا الرابط :
   http://satfrequencies.com/invest/uae235890/

   والصراحه ناصر ريال نشمي والنعم فيه وحيواناته ممتازه .

   ………………………………………….. ………

   وايضا قمت بالتعامل مع Dubai Baby هذي اكثر وحده كنت اغثها بسبب طلباتي . والله والنعم فيها.

   و roo7dubai الصراحه قمه في الاحترام والتواصل معي دائما وشخص يحب الخير لغيره .

   و سعود البكر اشكره على التعامل الطيب .

   و ايضا bussines women اشتريت منها بوك والصراحه كواليتي ممتاز ومشرفتنا قمه من الذوق .

   واسمحولي اذا ما ذكرت غيرهم لأني خلال 3 سنوات في المنتدى طلبت الكثير ( اكثر من 30 سياره و العطور و الالكترونيات ) . اشكر كل من تعاملت معهم والصراحه كلهم ناس والنعم وعمري ما شكيت من بضاعه خذتها من هالمنتدى .
   والصراحه تطورت تجارتي بعد دخولي هذا المنتدى واكستبت اصدقاء وزباين اكثر من السابق .
   والسمووحه

2. انا اشتريت فلاش ميموري من أحمد الاخوه وطلع خربان وكلمته ورد طرش لي واحد وطلع خربان وطرش لي الثالث وخربان بس كان متجاوب عندي وقالي غذا ما يشتغل خبرني وبرد لك بيزاتك بس كان اسلوبه راقي في التعامل وما فمتني البيزات وعقيت الفلاش ميموري

   ومرة اخذت من عند واحد وصلة تركب واير لس والريال ما قصر في مدحها وآخر شي مرات تشبك ويا المودم ومرات لا وكان مصيرها الزباله

   ومرة واحد عارض كاميرا الصغيره وخذيتها عشان ربيعي وقال ملونه طلعت لون تصويرها ابيض واسود والتصوير تعبان واشتريتها بـ 200 درهم وحصلتها في سوق التنين بــ 100 بدون مكاسر

   وقلت خلاص أي شي الكتروني ما بشتريها من المنتدى
   وناسي شو خذيت من المنتدى يوم بذكر بخبركم

   وأذكر مرة اشتريت بوك من بزننس ومن وكان حلو ولين الحين وياي

3. انا توني يديد و اول شي اشتريته موبايل … و لين الحين ما استعملته….

   و طالب شي ثاني و الله يستر …. يعني التجربه خير برهان

4. انا صارلي 4 سنين اشتري من النت
   صح في اشياء ننخدع فيها بس بصورة عامه
   مرتاحين من سيرات السوق …..

5. السلام عليكم

   تم شراء دخون منوع من ام عبادي و حسوني و الشهاده كل الانواع لي خذتها روعه

   وشراء جهاز صبغ الشعر من pink n white و تم استلام الجهاز و لاكن لم يتم استعماله الى الان

   و شراء رسيفر Dreambox من 6eeruae الجهاز روعه و الي اشترينا منه الجهاز خدماته اروع

   وفيه طلبيتن يايين انشاء الله السبوع الياي وحده عود من ام خليفه و الثانيه عطور من aldooodah و بنخبركم عنهم انشاء الله من يوصلون

Comments are closed.