شو اشتريت من المنتدى؟؟!!! (بالصور)

29 thoughts on “شو اشتريت من المنتدى؟؟!!! (بالصور)”

1. بالنسبه لي انا اشتريت

   الليــزر الاخضــر 10 كيلو متر 50 mW ب 270

   من عند العضو mooon1221

   اشتريت واحد وبعد ما جربته رجعت اشتريت 3 حبات زيادة من سنة 2006 ولين الحين شغالات 100%

   وأشهد أن معاملتة مالها مثيل بعد.

   وهذا موضوعه

   وسلام لراعي الموضوع والمشاركين

2. فكرة كتير ممتازة
   مع اني مشتريت ايشي
   بس ممكن نستفيد من ردود الأعضاء

   يعطيكم العافية

3. أشكر فنك اخوي ترتوووب على طرح هذه الفكره

   انا صراحة لي تجربه مع عضوه تاجرة واخذت منها جهاز حق الأرق
   وحاولت معها اكثر من مره اخذ رقم تلفونها لكن دون جدوي
   وهذا طبعاً اقل حقوقي اني اطالب بالرقم للتواصل اذا طلع بالجهاز شي
   وايضاً قوانين المنتدي تحتم على اي عضو ترك هاتفه لكن الادارة …….
   المهم
   اشتريت الجهاز وما استفدت منه حتى 1% وطلع كل ما قالته التاجرة المحترمة في غير محله
   وتم مراسلتها على الخاص دون اي رد منها على الأقل رد أو اي تبرير او اي دفاع أو اي سبب يقنعني بأي شي
   بس الأي أي ما نفعتني بأي شي

   والله المستعان

   وارجو من الإدارة الموقرة بعدم التهاون في مثل تلك المواضيع
   والسموحــــة

   اكرر شكري لأخونا الفاضل ترتوووووووووووب

4. Tartooob

   ههههه لا والله بس كثر الانشغالات آخذ اغراضي من النت . انت شو رايك انه اغراض العيد خذيتها من النت . تفصيل كناديري افصلهم من النت من خياط ولد عمي من هذا الموقع http://www.kandoorati.com بس ما ادريبه ليش هالايام مبند الموقع !
   وغتري خذيتهم من النت + العطر للعيد من النت . اللهم خذت وزري وفوانيلي ونعولي من برع .

   وبالنسبه للعطر تاسكن ليذر توم فورد الصراحه روعه . وال 250 ملي ما فيه بخاخ بس تحطه في غرفه بخاخه صغيره تنحط في الجيب معطني اياه الاخ h656 هديه . وترش رشتين في الطلعات لأنه ريحته قويه + واشوية دهن عود ورا اذنك وخشمك وانت والخير رباعه .

   والعصي هذيلا قصتهم قصه . والله العظيم اني ماخذنهم من عند بو راشد بـ 600 الحبه ومره سرت عزيمه في بيت شيوخ وكنت ماسك العصا و شافه واحد من الشيوخ وخذه بـ 10.000 درهم بعد انا ما قلت لأ . (( عصي الشيخ )) . الحين عندي غيرهم ثلاث حبات ماخذنهم من بو راشد والصراحه العصي روعه جدا ويبالك وحده ياخوي لكشخة العيد .

5. انا آخر شي خذته من المنتدى
   اشتريت عطر من h656 اسمه Tom ford tasken Leather 250 ML والصراحه تعامله راقي والعطر روعه .
   وهذا موضوع الاخ h656
   http://satfrequencies.com/invest/uae23940…light=tom+ford
   وهذي صورته
   

   ………………………………………….. …..
   وقبل

   خذت من المبدعه شمسه المهيري عطور بخاخه
   . من هذا الرابط :
   http://satfrequencies.com/invest/uae239149/
   وهذي الصور :
   
   والصراحه روعه وشمسه قمه من الذوق والاحترام .

   ………………………………………….. ………

   وخذت دهن عود معتق و أجار من الاخت عيوني
   من هذا الرابط :
   http://satfrequencies.com/invest/uae75366/

   والصراحه الاخت عيوني (ام خليفه) طيبه جدا ومسكينه بروحها يابتلي الاغراض لمقر دوامي . قمه في الاحترام والذوق والصراحه ما شفت افضل من دهن عود عيوني وافضل من عطورها واجارها .

   ………………………………………….. …………

   وخذت عصا فزاع و عصا الشيخ من الاخ بو راشد
   من هذا الرابط لعصا فزاع :
   http://satfrequencies.com/invest/uae95015/
   وهذا الرابط لعصا الشيخ :

   وهذي الصور :
   عصا فزاع
   

   عصا الشيخ
   

   والصراحه بو راشد شهادتي فيه مجروحه , ذوق واحترام وبضاعته شيوخيه وممتازه .

   ………………………………………….. …………

   وايضا قمت بالتعامل مع الاخ namoor للمساعده باستيراد اغراض من اميركا والريال والله حشيم وقمه في الاخلاق وأمين والصراحه شهادتي فيه مجروحه .

   ………………………………………….. ………..

   وايضا قمت بالتعامل مع الاخت الشعالي وماشاءالله قمه في الاحترام . لكن فقدناها في المنتدى والله

   ………………………………………….. ……….

   وايضا قمت بالتعامل مع الاخ ناصر بوهزاع بشراء بعض الحيوانات
   من هذا الرابط :
   http://satfrequencies.com/invest/uae235890/

   والصراحه ناصر ريال نشمي والنعم فيه وحيواناته ممتازه .

   ………………………………………….. ………

   وايضا قمت بالتعامل مع Dubai Baby هذي اكثر وحده كنت اغثها بسبب طلباتي . والله والنعم فيها.

   و roo7dubai الصراحه قمه في الاحترام والتواصل معي دائما وشخص يحب الخير لغيره .

   و سعود البكر اشكره على التعامل الطيب .

   و ايضا bussines women اشتريت منها بوك والصراحه كواليتي ممتاز ومشرفتنا قمه من الذوق .

   واسمحولي اذا ما ذكرت غيرهم لأني خلال 3 سنوات في المنتدى طلبت الكثير ( اكثر من 30 سياره و العطور و الالكترونيات ) . اشكر كل من تعاملت معهم والصراحه كلهم ناس والنعم وعمري ما شكيت من بضاعه خذتها من هالمنتدى .
   والصراحه تطورت تجارتي بعد دخولي هذا المنتدى واكستبت اصدقاء وزباين اكثر من السابق .
   والسمووحه

   ما شاء اللــه عليك روح الرميثات ما خليت شيء في المنتدى ما شريته ,, خليلنا شــوي ,, ههههه سوالف ,, خبرني ,, عطر توم فورد يستاهل ولا ؟ و ال 250 مل ما فيه بخاخ ,, كيف يالس تحط منه ؟
   * على فكرة ,, عيبوني العصي ,, رووووووعة
   

   __________________

Comments are closed.