[ . . السلام عليـِكُم ورحمة الله وبركُاته ‘
شو اشتريت من المنتدى >> فكرة حلوة وان شاءالله اتفيد الجميع
الفكرة هي:
أي عضو يشتري شي من قسم البيع والشراء أو أي قسم
يعرض لنا البضاعة اللي اشتراها هني بالصور (اذا وجد عنده صور)
ويعطينا تجربته و نتايج البضاعة اللي اشتراها وفوايدها علشان الكل يستفيد
ويذكر لنا اسم التاجر او التاجرة (مش اجباري)
ونبذه عن التاجر او التاجرة وطريقة تعامله والتوصيل
واي حد حاب انه يوجه كلمة شكر لأي حد من التجار أو التاجرات
ان شاءالله راح يكون من خلال هالموضوع ^,^
ان شاءالله الفكرة تعجب الجميع (فكرة الإخت أم القبيــسي, سمانا) واتفيدنا بمعرفة انواع البضائع وتجارب الاعضاء حول البضاعة
اتمنى التثبيت 
لكم مني أرق التحايا واعطرها 
اول ما يخلص العيد بتواصل وياك ..
وشكرا
الصراااااااحه موضوع فنان
خذيت اشياء وايدة من المنتدى والحمدلله كل شي اوكي
والصراحه اهم ناس معروفين واحب موضوعاتهم
moon1221
شمسه المهيري
rak_sl
روح الرميثات
وهاذا رايي بس اخوي روح الرميثات زعلني كنت طالب تلفون من عنده و لبسني الله يسامحك و عيدك مبارك خخخ
وان شا الله للامام لتجارنا والله يوفقهم
جزاكم الله خيرا هذا قليل مما عندكم
تعاملت مع الكثير من الاعضاء بها المنتدى والحمدلله البضايع اللي خذتها كلها ماعليها كلام ..
تعاملت مع الاخت dxb777 .. وخذت عنها لاب سكينز .. عدسات .. عطور سمارت .. فلاشات ..
وماشاء الله بنوته كلها ذوق .. بالتعامل والبضاعة ..
تعاملت مع الاخ dubai777 .. فلاشات وموبايل والحمدلله تعامل وبضاعة راقية جدا..
والاخ Rak_SL خذت من عنده تلفزيون سامسونج ولاب فايو والحمدلله أخ راقي في التعامل والبضاعة بعد
والسموحة منكم عالاطالة وعدم عرض الصور ..