شو الترتيب عشان اييب سيارة من قطر؟

7 thoughts on “شو الترتيب عشان اييب سيارة من قطر؟”

1. السلام عليكم
   والله ياخوي اسعار قطر ارخيصة ب10 الآف و أكثر
   انا كنت ابا الجمس 2500 hd باب واحد يديد و سألة الوكالة في دبي قالولي ب130 الف درهم و اتصلت على وكالةالناعي في قطر قالولي ب118 الف ريال يعني حوالي 119 ولا 120 الف درهم و مع التأمين و كل شى مايطلع عليه اكثر من 125 الف درهم.

2. السلام عليكم ،

   اخوي بخصوص التامين اعتقد تقدر تامن السياره لمدة اسبوع ( ضد الغي ) تقريبا ٧٠ درهم..

   ويوم بدخله الامارات في مكاتب للتامين تقدر تامنه من المكاتب الي هناك ،،

   الله يوفقك ياربي في السياره ،،

   بس شمعنا قطر ؟ هل السعر ارخص ولا؟

3. انزين أخوي حمد والتأمين شسوي في؟
   آآمن السيارة في قطر ولا فلامارات؟

4. السلام عليكم الغالي السالفه ومافيها تجي تدفع الفلوس وتركب عليه نمر تصدير وتاخذ ورقة مقاصه علشان ماتدفع جمارك فى الامارات وتشحن الموتر او تروح عليه ودرب السلامه ان شاء الله

5. إنشالله أخوي يفيدك أحد الاخوه من قطر ،، بس اللي أعرفه ان بعض انواع السياير اللي في قطر ماتطلع اول لازم اسجلها في قطر ،،
   بس ليش من قطر هل السعر افضل ؟ ،، بس اقدر اشوف لك رقم ريال من السعوديه في شباب يابو من عنده ،،
   بالتوفيق اخوي

Comments are closed.