صبحكم الله بالنور و السرور
مبروك عليكم الشهر
ماعرفت وين احط الموضوع قلت بحطه في الخيمه دامنه الي بيشوفونه اكثر
ابا اسأل عن بخاخ الانف شو موقعه من الاعراب في الصيام
فيه حساسيه في الانف و خشمي يتسكر و اذا راقده عادي اختنق
مره صارت لي ان خشمي تسكر و ما قدرت افتح حلجي جنه فكي انقفل..اسميني رافست لين قلت بس هاك اليوم
الموهيم في الصيام طبعا خشمي بيتسكر…بتقولون شو المشكله تنفسي من حلجج..صيام و عطش و اتنفس من حلجي ..بعدين لو تنفست من حلجي عقب فتره اصدع …رمضان اللي طاف ما استخدمته بتاتا خلال الصيام لان قريت انه يفطر..كنت اموت لين وقت الافطار ..اربط راسي بشيله بقو لدرجه وقت الفطور يوم اعقها معلمه على يبهتي و يسود تحت عيوني من الصداع
مشكلة البخاخ انه ينطعم في الحلج بس انا ما اسرطه ..و المشكله الثانيه ان يوم اكون راقده و اختنق ..البخاخ عدالي ارش بدون حاسيه و ارد اكمل رقادي …و اذا كنت منتبهه ان صيام طبعا ما اقدر ارد ارقد لان خلاص ضيق تنفس وين برقد بعد ..و انش و انا كارهه حياتي
يا ريت حد يشوفلي فتوى مناسبه لهالموضوع ..لان لو قالو يفطر عادي اصيح..ما ابغي اعود لمعاناة السنه اللي طافت و اللي يديه في الماي مب شرات اللي يديه في النار
ساعدوني الله يطول بعماركم
و يزاكم الله خير
الله يشافيج اختى
من باب اسل مجرب ولا تسأل طبيب
اختى سؤالج عن البخاخ وهل يفطر ولا لا؟
كان لي صديق يعاني من نفس الاعراض وقمنا بالاتصال بالمشايخ من قبل كم سنة والاغلب ان لم يكن الجميع اجمع على جواز استخدامه خلال الصوم وبالتالي فهو لا يفطر…..
الله يشفيج اختي ،
خذي هذا رقم الفتوى المجاني
اتحصلينه في هل الرابط
انا اتصلت فيهم على المغرب وردوا علي،،
يزاكم الله خير جميعا
المشكله انا ما انش وقت الدوام الرسمي عشان اتصللهم و اشرح لهم الموضوع
اليوم رشيت في خشمي الصراحه و مادري صيامي صح و الا لا
الله يعين بس
أجر وعافيه ختيه
وانا رايي من راي البروفيسور