يا خي والله العظيم قهر
كل يوم والثاني ينقطع الإنترنت ومرات بطيء ومرات يشتغل ومرات ما يشتغل بالمرة ويوم تتصل على رقمهم لازم تتريا ساعة لين يردون عليك وبكل برووود ومرات من كثر الإنتظار بروح تنهي المكالمة.
ياخي شو ه الحالة هم مب خسرانين شي، إحنا المساكين الي ندفع بيزات كل شهر والمفروض مثل ما وعدونا ومثل ما ندفع لهم يعطونا أفضل خدمة.
أنا عندي شامل والسرعة 256 كيلو بت والحين يظهر عندي شرات الدون لوود يمكن 20 كيلو بت يعني بطيء جدا.
المفروض يعوضونا ولكن كلوا أموالنا للافائدة.
يعني شو الحل بالله عليكم
والله قهر
والله قهر
انا مرة اتصلت على 101 : يرجا الانتظار سيتم توصيلك بموظف العملاء .. اتصالك يهمنا … امحق الجذابين والله العظيم انه تميت فوق 48 دقيقه منقعه واخر شي كلمتني وحده وقالتلي مشكلتج عند الدعم الفني مب عند الخدمات صبري بحولج عليهم .. وطبعا من الغيظ اللي فيني سكرت بس المحتاي عاني رديت اتصل شو نسوي حكم القوي على الضعيف عندنا شركتين اتصالات. وحدة خدماته سيئة والثانية ارسالها ضعيف واللي قاهرني يوم اشوف اعلانات اتصالات في السعودية ومصر تضربني غصه اقول في خاطري نحن هنيه ما عندنا هالخدمات سايرين يعرضونها ومجاناً
حسبي الله ونعم الوكيل
خبرني أخوي كيف اشترك عن طريق الستالايت
هي والله
لا حول ولا قوة إلا بالله