شو الحل مع نطق حرف “” الــراء “”

54 thoughts on “شو الحل مع نطق حرف “” الــراء “””

1. مافي اسهل من تعديل النطق خاصة اذا كان حرف واحد فقط بالتدريب والممارسه يعني تتعلم هالحرف من وين يطلع وتحاول دايما بينك وبين نفسك تطلع الحرف من المخرج الصحيح فهمت قصدي لكل حرف مخرج لازم تعرف وين مخرج الحرف
   يعني حرف الراء تلزق لسانك بسقف حلجك من جدام خلف الاسنان وحاول كل مره في الغرفه بينك وبين نفسك تكرر الحرف بالطريقه الصحيحه وبتنحل المشكله

   كل الود

2. السلام عليكم
   عزيزي بخصوص مشكلة نطق الراء
   عندي 2 من اخواني كانت عندهم هذه المشكلة ,
   ولما راحو عند الدكتور قالهم انه هذه المشكلة اما تكون وراثية او نفسانية مثل حالة ( التأتأة عند الكلام ) ..

   هذه المشكلة كانت عنده لما كان صغير
   ولكن مع الممارسة اشوف الحين النطق عنده اعتدل ..

   اما الثاني بعده ما زال على نفس الحالة ..

   وانا اتمنالك الصحة والسلامة اخوي..

3. السلام عليكم و رحمة الله و بركاته

   موضوعك حلو يا أخي … و أنا من الناس اللي أجد صعوبه في نطق حرف الراء بوضوح ، فتطلع عندي ما بين الواو و اللام بس ما أشوفها مشكله و هذا شي من رب العالمين حاله حال اللي ينولد وفيه نقص بشي من جسمه أو زيادة ، و الصراحه ألاحظ على ولدي نفس الشي … الظاهر هالشي ممكن يكون وراثي ….. و العلاج الحين ما يفيد ، اللي يبغي يتعالج المفروض يبدأ من الصغر مو من الحين … بس إن شاء الله تلقى حل و علاج لنطق حرف الراء الجميل

4. طرشت لك رقمه عالخاص

5. واحد من الربع هو دكتور مشاكل نطق
   اسمه الدكتور فيصل العفيف
   عنده مركز تأهيل ويشهد الله أنه أخ عزيز ودكتور صادق مجتهد بشغله

   أنا الحين بتصل فيه وبسأله عن حالتك ياخوي وبرد عليك

   بتسوي خير يخوي

   يا ليت تردلي خبر

   وجزاكم الله كل خير

Comments are closed.