السلام عليكم
كيف الحال
اعاني من هشاشة الاسنان
انا للحين صغيرون وعندي ضرسين من النوع الطاحونه جالعنهن..
بسسب انهن تكسرن وما تم فيهن حال الا الوجع ومرات تليك دم….
فـ أحين الاحظ بعد كم ضرس يتشرخ وبيوصل نفس حال الثانيين
فليش اسناني تتكسر…
هل في نقص حديد او المنيوم عندي؟!
انا ضعيف بعض الشي وطويل وعيني سودة 
اتمنى الاقي حل
يزاكم الله خير
وان شالله اتعالج من نصايحكم
ياخوي لو تسير وتكشف عليهن وتشوف شو المشكلة
احسن لك
والسمووحة …
انزين شوف اول ما تصبح الصبح اشرب لك كاس حليب فرش حار او بارد و اكل لك روب ((زبادي)) او اشرب كاس لبن كل يوم وان شاء الله تقوى عندك العظام بس الاهم اول ما تنش تشرب حليب وخلي اكلك منوع مثلا فيه كربوهيدرات ودهون وعناصر معدنية و وبروتينات و فيتامينات واشرب ماي 8 كاسات في اليوم ولو زاد ما يضر
وكل بيض وسمج واكثر من الاشياء التي تحتوي من فيتامين d و سوي تمارين خفيفة في الصباح يوم تظهر الشمس وما تكون قوية واييد لانها تساعد على تقوية العظام
وتقدر تاخذ حبوب الكالسيوم بس خلي هذا اخر شي تلجا له ونصيحتي اتبع معلوماتي و لتخربط بين السمج واللبن لانه يسوي البهاق سوي لك جدول وكل جرجير تراه زين وتفاحة وحدة باليوم
صدقني ما بتحتاج لدكتور ولا شي اهم شي تشرب حليب وتاكل لك روب او تشرب لبن و تاكل بيض او سمج و تمارين خفيفة في النهار وهو الاهم و كل خضار وكل طماط تراه مفيييد
18+
-فالدوام-
الريوق: اكل لي سندويج جبن + جاي + دبة ماي (صغير)
غدا : عيش (يختلف على حسب الطبخه) + دياي (اذا كانو مسوين) او سمج هامور (اذا كانو مسوين) + بصل ابيض
عشا: على حسب الطبخة … مرات ماا اكل وايد فالعشا…
-فالبيت-
ريوق: ماشي
غدا : كل شي موجود
عشا : اي شي ينأكل
للعلم اذا كان حد بيقول في نقص بالكالسيوم … أنا اشرب حليب العين شبه يومي
لو ممكن تعطينا جدولك العملي اليومي للاكل مثل شو تاكل اول ما تنش لين تنام وعمرك 18+ ولا -18 ؟