سلام ورحمة يا شباب
بدش في صلب الموضوع ديركت … داش مزاجي سيارة شفتها ع النت بس قبل لا اعزم شراء حبيت
اتاكد من ان السيارة ما فيه شي. البايع جزاه الله خير ما قصر واعطني رقم ال”وين”. المهم اتصلت
على قرقاش عسب اتخبر عن السيارة الا تقولي الموظفة “عندنا الريكورد بس ما نقدر نعطيك اياه
اسمحينا”. قلت عادي يمكن جي سياسة الورشة يسير خير. قلتلها ما عليه بدخل السيارة فحص عندكم
ردت عليه “سوري ما نستلم سيارات للفحص عليك بسيروس كامل” مع انه الريال توه مسوين سيروس على السيارة وهي مب محتاجة للسيروس …
استغربت وسالتها شو الحل انزين … ودي اشتري السيارة بس ما ابا اشتريها على عمى …
شلون اتاكد من حالة السيارة ؟ ردت البايع عنده سيروس بوكليت (كتاب للسرويس) قلت اوكى بس
هذا ما راح يعطيني شي لانه ما بيذكر فيه اذا السيارة دخلت عندكم تصليح او فيه شي من عيوب
كهربائية او صناعية الخ … اقترحت علي اني اودي السيارة محطة تسجيل عسب اخليهم يقومون بفحص السيارة … معقولة ؟؟؟
يا ترا الشباب ابغي اخذ شوركم شلون اتصرف فهالموقف اسير اشتري السيارة واتوكل ؟ هل
من الي مرعليه ابنفس الموقف يقدر يفيدني بخبرته ؟؟؟
وجزاكم الله الف خير …
مشكورين يا شباب ابو ادهم , أبو فطامي , كابريسات , بن دبي … بيض الله ويهوكم …. اشهد انكم اخوان شما …
كلمت الريال من شويه وخبرته ب الي صار … واتفق معي عالشان يخاويني يوم السبت للورشة ويطلع السيرويس هيستوري كامل من عندهم … عقب بنودي السيارة محطة تسجيل عسب نتاكد ان الشاصي ما فيه شي … ونتوكل ….
يقولون شي محل قريب من مستشقى دار الشفاء اهني فابوظبي يطلعون لك كامل بيانات من الكمبيوتر مال الموتر مقابل 50 او 100 درهم … يبالي اسال راعي المحل اذا يعرف حد فدبي ….
اقتراحها اوكي بالنسبه لتسجيل
روح لهم وبيطلعون لك كل شي عن السياره
ف هاي الامور اخوي المفروض انك تسيرلهم مب بتلفون ……………………
موفق بإذن الله … لك مني أجمل تحية .
انا نفس الموقف بس بصورة ثانية دخلت سيارتي الوكالة وطلبت منهم تقرير عنها ما طاع الموظف اللي هناك دخلت على المدير وقلت له انا من حقي اخذ تقرير عن سيارتي صح
قال هيه قلت له عيل الحين ابا تقرير كامل عنها
والخرابات اللي فيها وما بصلحها عندكم
قالي هذا من حقك وعطاني التقرير
ومثل ما قالك الأخ خل راعي السيارة يروح معاك وبيخبرونه عن السيارة
وفي موقع ما اتذكره كان لشرطة ابوظبي
تكتب رقم الشاصي ويخبرك بتقرير عن السيارة اذا مسويه حوادث
واعتقد انه في بعض محلات فحص السيارات يعرفون الموقع اللي تدخل فيه رقم السيارة ويفحصونها ويخبروك الهستوري مالها روح عند حد منهم
وفي الاخير مبروك عليك السيارة اذا خذتها
السلام عليكم
اللي بعرفه انو صاحب السيارة بيحقله يطلب من الورشة الهسيتوري مال السيارة , فبتقدر تخبر راعي السيارة وتطلب منه يروح معك الورشة ويطلب الهسيتوري
وهيك بتكون اشتريت السيارة على بينة , اما اذا ماراد يروح معك الوكالة فاحتمال يكون في شي بالسيارة
والله يعطيك العافية