السلام عليكم ورحمة الله وبركاته
اخواني وخواتي اختكم محتارة شوية بسالفة وتريد رايكم !
الكل يعرف ان تويوتا برادو تغير شكلها كليا، انزين والفطيم كان مسوي عرض على الشكل الجديم ومنزل سعرها من 160 الف الى 140الف اقصد رقم 2 ..
طيب سرت عندهم قبل يومين وطلبت السيارة اقصد الشكل الجديم اموري كانت طيبة وحتى دفعت الفلوس . انزين اليوم كنت عندهم وشفت الشكل اليديد من داخل ووايد عيبتني. وقال لي الشخص الي في المبيعات ممكن اتغيرين اذا تبين والفرق 17 الف درهم. قلت له خلاص اخّر الموضوع لين باجر بستخير وارد عليك إما اتم على الاولى او اخذ اليديدة..
فحبيت اخذ رايكم في الموضوع خصيصا ان السيارة يديدة وما اعرف اذا راح تظهر فيها مشاكل.
علما بان الشكل الجديم مخلص يعني اخر وحدة مالتي .
شكرا لكم جميعا
تحياتي
مشكووورين يا اخواني ما قصرتوا
انزين اخي عزام المندوب قالي هذه مكينتها اكبر واقوا انزين الحين البرادو الجديمة كانو يشتكون منها صرف البترول الحين هاي الماكينا اكبر يعني ممكن اتكون تصرف اكثر ؟
__________________
الكلام اللي بالأحمر كلام كل مندوبين المبيعات .. و آخر شي عندهم فالـ Store واااااااااايد منهن ..
هم يقولولج هالشي عشان تستعيلين و تاخذينها و يحسسوج انها آخر وحدة .. يعني خذيها بسرعه قبل لا ياخذها غيرج .. يبون يخلصون الكمية بسرعة ..
ثانيا اليديدة أحلى .. دامها طويوطا قصدي تويوتا .. ما عليهم خووووووووووف ..
و السيارة بتكوووووون ع الضمان .. و انتو الحريم ما تسيرون مكان .. يعني زين اذا بالسنه تمشونها 10 آلاف كيلو ..
خلاصة الكلام .. خذي اليديدة ..
و عليج باللون الأبيض أو الذهبي أو السلفر ..
__________________
اكييد اليديده اختي كم يسوى بتكونيين محط الانظاار الكل بيقوول شو هالموتر بالتوفييج
اميــــــــــن وايكم ان شاء الله
يزاكم الله خير والله ما قصرتوا كنت بحاجة لنصائحكم صج محتااارة
الحمدلله لين الحين كل الاخوان يشجعون وهذا شيء طيب
بارك الله فيكم
__________________