السلام عليكم ورحمة الله وبركاته

هذا السؤال وايد اسمعه اما في منتدانا واما من التجارب اليوميه مع الناس

وهذي بعض الاجابات اللي ممكن تساعد في معرفة الفرق بين الوارد والخليجي

1- الضمان، مثل ما هو معروف ان السيارات المستوردة عن طريق الوكيل المحلي عليها زيادة في سنوات الضمان مثال ذلك BMW و RANGE ROVER وMB عادة ما يكون ضمان المصنع سنتين فقط، والباقي من عند الوكيل

2- الطبقة الواقية من أشعة الشمس القوية، فمثل ما هو معروف أن الطقس والمناخ يختلف كليا عن الطقس هناك في أوروبا وامريكا

3- ضمان أن السيارة الخليجية غير مسروقة… مثل ما ظهر قبل سنتين او ثلاث من ضبط بعض السيارات المستوردة المطلوبة للأنتربول

4- الفكرة القديمة السائدة بأن السيارات المستوردة تختلف عن الخليجية من ناحية التقنية، وبالأخص من ناحية الحرارة

5- السبب الأهم وهو السعر لأنه الوارد دايما ما يكون أرخص من الخليجي

ومثل ما نشوف في النهاية الفروق نوعا ما بسيطه بين الخليجي والوارد

واللي عنده اي سبب غير هذي الاسباب ياريت يشاركها ويانا في الموضوع حتى تعم الفائده بين الجميع ان شاء الله

دمتم برعاية الرحمن

38 thoughts on “شو الفرق بين الخليجي والوارد ؟؟ ( موضوع مهم )”

  1. الوارد زين من ناحيه النظاافه فقط..

    لكن في مشاكل في قطع الغيار احيانا ، او في المكينه وحرارتها ..

    ولكن كنظاافه نظيفه جداا ..

    وجونا ماشااء الله رطب مالح ياكل بدي السياره اكيل.

  2. السلام عليكم

    بالنسبة للسيارات الامريكيه ماتكون مسروقة

    السيارات الالمانية هاللي تكون مسروقة ومطلوبة للانتربول حتى لو اتسجلت فالدولة ممكن تسير المرور ويطلبونها منك لو بعد سنة

    والسرقة هي اساسا مب سرقه بس انه البايع في المانيا ,,, يوم يبيع الموتر يتفق مع الطرف الثاني اللي هو الوسيط انه عقب يسير يبلغ ان الموتر انسرق

    وجي يكون استفاد المبلغ وسيارته بترد له

    وبالنسبة للكزسات الوارد والخليجي

    الخليجي ابرك عن الوارد بالف مرة

    حتى لو كان الاوبشن زياده

    والسياير الامريكية لو ان حالتها وكاله يعني مافيها ولا نقطة صبغ بيكون سعرها اغلى من الخليجي بوايد

    اما المدعوم والغرقان سعره طايح

    وكل اللي بالسوق موجود مدعوم واخف دعمه تكون مدقار او بونيت

    فداعه الله

  4. من وجهة نظري

    اشوف الوارد احسن عن الخليجي بوايد

    طبعا مب كلهم الا الياباني اذا كان سكان يمين

    اول شي هني عندنا ماشي مواصفات موليه

    والسياره وايد غاليه تكون

    يعني تطلب من برع وبمواصفات اكثر وبسعر ارخص

    بس الفرق الوحيد هو الضمان مايكون شرات الخليجي اذا السياره يديده

    وبعدين في الخارج يستخدمون السياره وقت الحاجه واستخداماتهم قليله

    مب شراتنا هني 24 ساعه قز في الشوارع واللي عنده فورويل مايدخله البر انقول موتره مكربن ^_^

    يعني بالنسبه للمستعمل فاكيد سياييرهم انظف

  5. طبعا هنااك الوارد اخووي مثل انك مااذكرت يجب ابلاغ الجميع فيه :

    1- الوارد الخليجي .
    2- الوارد الامريكي.
    3- الوارد الياباني.
    4- الوارد السوسري.
    5- الوارد الاسترالي.
    6- الوارد الالماني.

    كمثال: المرسيدس.

    كمثال: الباثفندر.

    كمثال: اللكزس.

    كمثال:الزد.

    ويوجد امثله اخرى ..

    لكن هنااك في فروقاات بسيطه من الناحيه الخارجيه لشكل واحد .ولكن من الداخل مواصفاته جداا فرق.

    الخليجي دائما متاخر في المواصفااات ، ماادري بالضبط هل هو من الوكيل او المصنع.

    بعض السيارات اليابانيه متطوره بموديلات سابقه ، وهذا التطور ربماا ايينا بعد 5 سنوات.

    شكرا

    أخوي بخصوص المواصفات اللي تطريها من الداخل ترا هذي من الوكيل لأنه يطلبها بمواصفات قليلة مثل اللي تشوفها عندنا عسب تطلع عليه السيارات أرخص وايي صاحبنا يضرب علينا نحن المساكين هني

Comments are closed.