السلام عليكم ورحمة الله وبركاته

هذا السؤال وايد اسمعه اما في منتدانا واما من التجارب اليوميه مع الناس

وهذي بعض الاجابات اللي ممكن تساعد في معرفة الفرق بين الوارد والخليجي

1- الضمان، مثل ما هو معروف ان السيارات المستوردة عن طريق الوكيل المحلي عليها زيادة في سنوات الضمان مثال ذلك BMW و RANGE ROVER وMB عادة ما يكون ضمان المصنع سنتين فقط، والباقي من عند الوكيل

2- الطبقة الواقية من أشعة الشمس القوية، فمثل ما هو معروف أن الطقس والمناخ يختلف كليا عن الطقس هناك في أوروبا وامريكا

3- ضمان أن السيارة الخليجية غير مسروقة… مثل ما ظهر قبل سنتين او ثلاث من ضبط بعض السيارات المستوردة المطلوبة للأنتربول

4- الفكرة القديمة السائدة بأن السيارات المستوردة تختلف عن الخليجية من ناحية التقنية، وبالأخص من ناحية الحرارة

5- السبب الأهم وهو السعر لأنه الوارد دايما ما يكون أرخص من الخليجي

ومثل ما نشوف في النهاية الفروق نوعا ما بسيطه بين الخليجي والوارد

واللي عنده اي سبب غير هذي الاسباب ياريت يشاركها ويانا في الموضوع حتى تعم الفائده بين الجميع ان شاء الله

دمتم برعاية الرحمن

38 thoughts on “شو الفرق بين الخليجي والوارد ؟؟ ( موضوع مهم )”

  1. اقول اللي يقول الوادر مب شي غلطان انا خذت لكزس ال اس 400 موديل 99 مواصفات فول حتى هيدروليك فيها والله انها عالمية ولا اشتكيت منها واول ماخذتها سيرفس كامل حتى قطع الغيار نفس الخليجي ومافيه فرق كل اللي يقول فرق بعد غلطان عن تجربتي مع اللكزس واي قطعه ابدلها في اللكزس اخذ قطعه خليجيه ويقولي راعي قطع الغيار فيه فرق اقوله انت ماتفهم شي هات خليجي ولاتتكلم وكل شي يركب ومافيه اي اختلاف حتى الرديتر مابدلته بس سالت عنه اذا فيه فرق طلع رديتر الوارد والخليجي مثل الشي مافيه فرق اتحدى اي واحد اييب اي قطعه خليجيه ماتركب في الوارد على طول تركب والحين الحمد لله كملت عندي سنتين واكدها كد وظرب خطوط وماتشتكي وفي عز الحر وانا واقف ساع كامله ومرات اكثر والمكيف مثلج والحمد لله والحراره النص ولاتحترك واخر ريس امشي فيها ولاترتفع ونصيحه اللي يذم الوارد لاتحكم على كل كلام تسمعه التجربه خير برهان والسموحه

  2. السلام عليكم ورحمة الله وبركاته

    هذا السؤال وايد اسمعه اما في منتدانا واما من التجارب اليوميه مع الناس

    وهذي بعض الاجابات اللي ممكن تساعد في معرفة الفرق بين الوارد والخليجي

    1- الضمان، مثل ما هو معروف ان السيارات المستوردة عن طريق الوكيل المحلي عليها زيادة في سنوات الضمان مثال ذلك BMW و RANGE ROVER وMB عادة ما يكون ضمان المصنع سنتين فقط، والباقي من عند الوكيل

    2- الطبقة الواقية من أشعة الشمس القوية، فمثل ما هو معروف أن الطقس والمناخ يختلف كليا عن الطقس هناك في أوروبا وامريكا

    3- ضمان أن السيارة الخليجية غير مسروقة… مثل ما ظهر قبل سنتين او ثلاث من ضبط بعض السيارات المستوردة المطلوبة للأنتربول

    4- الفكرة القديمة السائدة بأن السيارات المستوردة تختلف عن الخليجية من ناحية التقنية، وبالأخص من ناحية الحرارة

    5- السبب الأهم وهو السعر لأنه الوارد دايما ما يكون أرخص من الخليجي

    ومثل ما نشوف في النهاية الفروق نوعا ما بسيطه بين الخليجي والوارد

    واللي عنده اي سبب غير هذي الاسباب ياريت يشاركها ويانا في الموضوع حتى تعم الفائده بين الجميع ان شاء الله

    دمتم برعاية الرحمن

    السلام عليكم
    اولا لانك المشرف ما اقدر اقول انك يالس تألف بس اخوي الي قلته معروف بس بدون اي دليل و مثل ما انت عارف مرات الوارد ينباع اغلى لانك اساسا انتة تيبة رخيص مناك و منو قالك عن الطبقة اخوووي في امريكا في مناطق اخس عنا في الحر مثل تاكسس كلها سيوح و بعدين شيل هاي الفكرة من راسك انة وارد يعني الي هنية نحن مصنعينة و في النهايه بقول اسمحلي و تراها وجه نظرية.

  3. اخوي حركات انا اكره الوارد

    لانها ماله قطع غيار متوفره في الامارات
    وثانيا الشاشة يبالة برمجة
    والكيلو متر يطلع لك بالميل يبالة تغير
    ودرجة الحرارة بالفرنهايتي هب بالمئوي
    الراديو ما يب المحطات فوق 120
    المكيف ما يبرد في القيظ

    1-قطع الغيار متوفر وبكثره وخاصة للكزس
    2-الشاشه برمجوها الشباب بما لا يزيد عن 500 درهم
    3-الكيلو بالمايل ياخي مافيها شي (أهم شي النتيجه وحده) وترى الكيلومتر ظاهر كسرعه أما المسافه مقدور عليها انك تحولها بالكيلومتر بالآله الحاسبه خخخخخخ
    4- الحراره بالفهرنهايت ترى تعبر بعد عن درجة الحراره في الخارج وتروم تغيره لمئوي بسهوله ما يكلف 100 درهم
    5-الراديو ماعليه اي خلاف ماعرف من وين اتييب كلامك
    6- ابرد مكيفات عرفتها مكيفات الوارد

    وبعدين ياخوي ترانا نفهم في السيايير ورمستك يمكن يصدقونها اللي ما يفهمون بس عموما انا بقولك الفروق بأختصار

    1-هيكل السياره
    (الخليجي) خفيف جدا وأبسط ضربه يستوي مثل الكرتون
    (الأمريكي) عدد اعمدة الحمايه اللي داخل الأبواب أكثر

    2-المواصفات
    (الخليجي) الحين سنة 2008 وبعض السيارات تنزل بدون سيدي —- هذا ابسط مثال ما ابغي اذكر الباقي
    (الأمريكي) كراسي كهربا على السيايير 4 سلندر….السيدي اجباري موجود في كل السيايير

    3-السعر
    (الخيجي) أبسط مثال سياره مشهوره (fj) قيمتها في الوكاله هني 130 وحجز السياره لين ما توصل شهر يمكن
    (الأمريكي) قيمة الـfj هناك لا تزيد على 110 آلاف فل اوبشن ومواصفاتها احسن من الخليجي وشكلها احلا

    4-الصيانه
    (الخليجي) اكيد الوكاله تسوي لها صيانه وظمانها اطول من ظمان الوارد لأنهم هم اللي استوردو السياره فبالتالي مجبورين يسوون لها صيانه …. ولو ان الوكالات وورشاتها أي كلام خاصة يوم تكون السياره تحت الظمان يحاولون يتهربون بأي طريقه من ألتزاماتهم

    (الأمريكي) خدمات ورش التصليح الكبرى افضل من الوكاله وأرخص منها بفرق كبير أما لو تروحلي عند بابول ونور الحق ومحي الدين اكيد بيخربون سيارتك حتى لو كانت خليجيه

    عالعموم

    انا من اعداء الخليجي لأن الوكلاء استغلاليين وما ينزلون السيايير المطلوبه مثل تويوتا تندرا 5.7 وانا انشالله باخذلي وحده قريب مباشرة من أمريكا فلو تبغي تتحوط وياي وأرويك الفروق فيها انا حاظر

    والسموحه من الجميع

  4. إنا 100% مع الوارد النظيف
    لااذكر إنني مريت بمشكلة كهربائية أو ميكانيكية أو حرارة أو أو ………
    اعتقد أن الجماعة اخذين فكرة غلط عن الوارد

    شوف مثلا الكامري وارد الخليج الموديلات القديمة ونقارنه مع وارد أمريكا
    فتحة بالسقف + مثبت سرعة + جناح + سيدي و و و

    إما عن الكامري الجديد الخليجي فحدث ولا حرج كامري وارد ( السودان او اليمن) فيه مواصفات احلي من عندنا ورايته بالصور وصناعته يابانية 100
    وليس تجميع استراليا أو الصين

    آنا مع الوارد النظيف المستعمل وضد الخليجي الغالي بدون مواصفات

  5. شكرا على المعلومات المفيده

    وانا اشووف ادفع شوي زياده واعيش مرتاح ولا اخذ سياره رخيصه كل يوم رافعه علي حراره وواقف انا وهي في الشارع نتريا الونج

Comments are closed.