السلام عليكم ورحمة الله وبركاته
هذا السؤال وايد اسمعه اما في منتدانا واما من التجارب اليوميه مع الناس
وهذي بعض الاجابات اللي ممكن تساعد في معرفة الفرق بين الوارد والخليجي
1- الضمان، مثل ما هو معروف ان السيارات المستوردة عن طريق الوكيل المحلي عليها زيادة في سنوات الضمان مثال ذلك BMW و RANGE ROVER وMB عادة ما يكون ضمان المصنع سنتين فقط، والباقي من عند الوكيل
2- الطبقة الواقية من أشعة الشمس القوية، فمثل ما هو معروف أن الطقس والمناخ يختلف كليا عن الطقس هناك في أوروبا وامريكا
3- ضمان أن السيارة الخليجية غير مسروقة… مثل ما ظهر قبل سنتين او ثلاث من ضبط بعض السيارات المستوردة المطلوبة للأنتربول
4- الفكرة القديمة السائدة بأن السيارات المستوردة تختلف عن الخليجية من ناحية التقنية، وبالأخص من ناحية الحرارة
5- السبب الأهم وهو السعر لأنه الوارد دايما ما يكون أرخص من الخليجي
ومثل ما نشوف في النهاية الفروق نوعا ما بسيطه بين الخليجي والوارد
واللي عنده اي سبب غير هذي الاسباب ياريت يشاركها ويانا في الموضوع حتى تعم الفائده بين الجميع ان شاء الله
دمتم برعاية الرحمن
تصدج واحد من الربع على سرعة 50 تقريباً ..دخل عليه واحد فجأة ..
ضرب بريك .. و لاّ رفيجه بالكرسي اللي يمبه ..
على طوووول كفخ في – الجامة الأمامية – ..
توقع اش صار ؟؟؟!!
الريّال بخير و الحمد لله … بس انكسرت عليه الجامه
ماشي غير الوااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااارد مصخوها الوكالات عندنا باسعارهم
انا مع الوارد النظيف
لاعت شبودنا من طمع و جشع الفطيم و ربعه…
الله يعطيكم العافيه
الوارد أفضل من الخليجي ..
مشتري لكزس 2004 …
– السعر أرخص
– الشاشة برمجتها ونزل النافيجيشن بروحي ببلاش وشغال 100%
-المكيف بااااااارد ..
-سيتات مكيفة
-ومايباله صيانة ((اللكزس معروف)) ولا سمح الله يباله صيانه فيه كراجات محترمة أحسن من الوكيل .
وأشتريت شيفروليه آفالانج 2002 نورث فايس من أمريكا ..
ماشاء الله عليه .. نظيييف ..
والحمدالله الأمور طيبة
الخليجي وايد مقللين من جودة السيارة .. لاحظ ويااااي :
-الجامة الامامية تلاقيها غش ((تتكسر وبدون مخفي من فوق))
– توازن السيارة غريب بالنسبة للأمريكي
-الربلات بسرعة تذوب
-الصبغ يتغير لونه
-كهربة السيارة خفيفة ومش مثل الامريكي
-والقهر الحين حتى الخليجي قطع غيار ماشي ..