السلام عليكم ورحمة الله وبركاته
هذا السؤال وايد اسمعه اما في منتدانا واما من التجارب اليوميه مع الناس
وهذي بعض الاجابات اللي ممكن تساعد في معرفة الفرق بين الوارد والخليجي
1- الضمان، مثل ما هو معروف ان السيارات المستوردة عن طريق الوكيل المحلي عليها زيادة في سنوات الضمان مثال ذلك BMW و RANGE ROVER وMB عادة ما يكون ضمان المصنع سنتين فقط، والباقي من عند الوكيل
2- الطبقة الواقية من أشعة الشمس القوية، فمثل ما هو معروف أن الطقس والمناخ يختلف كليا عن الطقس هناك في أوروبا وامريكا
3- ضمان أن السيارة الخليجية غير مسروقة… مثل ما ظهر قبل سنتين او ثلاث من ضبط بعض السيارات المستوردة المطلوبة للأنتربول
4- الفكرة القديمة السائدة بأن السيارات المستوردة تختلف عن الخليجية من ناحية التقنية، وبالأخص من ناحية الحرارة
5- السبب الأهم وهو السعر لأنه الوارد دايما ما يكون أرخص من الخليجي
ومثل ما نشوف في النهاية الفروق نوعا ما بسيطه بين الخليجي والوارد
واللي عنده اي سبب غير هذي الاسباب ياريت يشاركها ويانا في الموضوع حتى تعم الفائده بين الجميع ان شاء الله
دمتم برعاية الرحمن
السلام عليكم الجميع
ومبروك عليكم الشهر الفضيل المبارك..
ناوي اشتري لاندكروزر 2008 الفئة الأولى كامل المواصفات من امريكا ..
أو
– والخيار الثاني رنج روفر سبورت سوبر تشارج2007..
أرجو ما أي شخص متمكن في الاستيراد بسعر يفرق فرق مشجع ويستاهل تملك اسم وارد بسلبياته وايجابياته (فارق كبير في السعر) .. ولا يصير مثل الحرامية وكلاء السيارت في الخليج..
– واطلب ما اي شخص هنا عنده خبرة وتجربة بالسيارتين المذكورتين .. النصح والمعلومات أكثر بالارقام والتكلفة وطريقة الشحن الافضل والسلبيات والايجابيات
وتقبل الله صيامكم وقيامكم الجميع ان شاء الله
معلومات حلوة
بس احترنا ويااكم ؟؟
انا اللي اعرفة الصراحة ان الخليجي احسن ؟؟
في أشياء جوهرية ماحد تكلم عليها في الفرق بين الخليجي والوارد
قطع الغيار
صحيح نفس السيارة والموتور بس قطع الغيار تختلف
انت يوم تسير محلات المعروف لقطع الغيار او اي وكالة قطع غيار يسألك وارد واذا وارد يسالك وارد وين ؟؟
قطع اللكزس والتويوتا الوارد تختلف عن قطع الخليجي وفي فرق في السعر واحيانا القطع مش موجودة فيضطر يوصي عليها من البريمي او دبي او من امريكا نفسها وبالسعر يلي يطلبو وانت غصب عنك موافق لان بدك ترمي السيارة والله لا يوقط حد في تنزيل ماكينة لسيارة وارد وقتها اذا يشتري سيارة يديدة يكون افضل
وبالتوفيق يا اخوان
السلام عليكم أخوانا
لو تتكرموا كيف أعرف الوارد النظيف و كيف اعرف اذا كانت مسوية حادث في بلادها و لأ و ايش احسن سيارة وارد ممكن اشتريها
و اكرمكم الله و جزاكم الخير كله
مشكور ما تقصر الكثيرين بيستفيدون من هالمعلومات القيمه