السلام عليكم ورحمة الله وبركاته
هذا السؤال وايد اسمعه اما في منتدانا واما من التجارب اليوميه مع الناس
وهذي بعض الاجابات اللي ممكن تساعد في معرفة الفرق بين الوارد والخليجي
1- الضمان، مثل ما هو معروف ان السيارات المستوردة عن طريق الوكيل المحلي عليها زيادة في سنوات الضمان مثال ذلك BMW و RANGE ROVER وMB عادة ما يكون ضمان المصنع سنتين فقط، والباقي من عند الوكيل
2- الطبقة الواقية من أشعة الشمس القوية، فمثل ما هو معروف أن الطقس والمناخ يختلف كليا عن الطقس هناك في أوروبا وامريكا
3- ضمان أن السيارة الخليجية غير مسروقة… مثل ما ظهر قبل سنتين او ثلاث من ضبط بعض السيارات المستوردة المطلوبة للأنتربول
4- الفكرة القديمة السائدة بأن السيارات المستوردة تختلف عن الخليجية من ناحية التقنية، وبالأخص من ناحية الحرارة
5- السبب الأهم وهو السعر لأنه الوارد دايما ما يكون أرخص من الخليجي
ومثل ما نشوف في النهاية الفروق نوعا ما بسيطه بين الخليجي والوارد
واللي عنده اي سبب غير هذي الاسباب ياريت يشاركها ويانا في الموضوع حتى تعم الفائده بين الجميع ان شاء الله
دمتم برعاية الرحمن
الخليجي أفضل يا إخوان لكن الفرق للأسف في السعر
مثلا عندك الجيب اللكزس يجي بدون ثلاجة بينما في الخليجي بثلاجة
عيل وين الأوبشن
الخليجي أفضل يا جماعة و خاصة ما يتعلق بالتالي:
1- نظام التكييف — رديتر أكبر و ثيرموستات حرارة أعلى
2- القطع البلاستيكية عامة المحيطة بالموتور خاصة لها مقاومة اكبر للحرارة
3- صبغ السيارة معد للمناطق الحارة.. و هذا ما يفسر تلف صبغ غطاء
الماكينة للوارد ..
5- مقاومة الزجاج للحراة العالية ..
و تفاصيل اخرى .. الخلاصة هي ان الخليجي مصمم ليتحمل الحرارة العالية ..
و دمتم…
بصراحة انا عندي جمس يوكن وارد الحمد الله ما فية فرق بينة وبين الخليجي قطع الغيار من الوكالة الجمس او ليبرتي . الكيلو متر فية بالميل وفية بالكيلو
وفية مواصفات اعلا من الخليجي ومافية اي عيوب ….عند ما اشتريتة شيكتة . والحمد الله لين الحين معاي قولو مشاء اللة … وهذا رايي بالوارد يعطيكم الله العافية جميعآ……………………………………… ………………………………………….. ………………………………………….. …………,