السلام عليكم

شو الفرق بين اللكزس 430 الأمريكي والخليجي؟؟

تحديدا موديل 2001

من ناحية السعر
والمواصفات
والمكده

فل الترا… الخ

9 thoughts on “شو الفرق بين اللكزس 430 الأمريكي والخليجي؟؟”

  2. اخووي نحن كاان عندنا لكزس 430 امريكي بس موديل 2006 نص الترا كديينه كد والله مايقوول شي والله لاعنيينه لعان ياريال سفايفها 180 والتاهو 700 والتاهو مافيه شي شرات لكزس تعال معارض عيمان وشوفهن نظاف نظافة مب طبيعية شي وعلى 95 الف 2004 او 2005 ومضمونات

  3. السلام عليكم

    الغالي من يومين كنت فالشارجه وين يبيعون السيايير الوارد .. والأسعار طايحه الغالي و السموحه من الشباب الاسعار الي حاطينها مرتفعه شويه … و المشكله انا نحن معتمتدين عالاعلانات الي نشوفها .. و المعارض .. و ما نشوف غير الحراميه … الواحد ما يسير روحه ويشوف

    الغالي بـ 65 ألف تاخذ لكزس 2003 وارد بأوراق الجمارك و الموتر بقمة النظافه و الله السياره تقول ما حد راكبنها … ومواصفات هالسياره كانت لونها أسود من الداخل بيج .. شاشه .. فل ألترا

    نفس السياره نفس الموديل بس دون شاشه بـ 60 ألف

    وبعد حصلت موديل 2001 فل ألترا ومحول الشكل الخارجي 2004 .. 2005 وارد بأوراق الجمارك يباها بلسانه 48 الف يعني بـ لو تشد عليه بـ 45 بيعطيك .. بس المشكله الوحيده من داخل أسود

    الغالي سير الوارد وشيك … ترا اللكزس الـ 430 طاااايح سعره و الاسعار الي فالنت وااايد غاليه مقارنة بالي برع

    و انت تدري كيف الوارد … لو تشتريه نظيف كأنك ماخذ موتر وكاله … ولد عمي ماخذ سياره وارد ويقول خلال أربع سنين غير السفايف و الزيت (شغلات السيرفس).. و البترول ما دفعت عالسياره درهم واحد

    وربي يوفقك أخوي

    اخوي كلامك عين الصواب انا هذا الي دايم اقوله بس للاسف الاسعار في المنتدى جدا مبالغ فيها

Comments are closed.