السلام عليكم ورحمة الله وبركاته
لو سمحتوا بغيت النصيحه منكم
المرسيدس اليديه E 300 نزلت وسعرها ف وكالة الامارات للسيارات ب 230 تقريبا
بس مشكلتها من ورا ليتاتها هب قادره اقتنع فيهن(شرات الهوندا)
بس من جدام ومن داخل واااااايد حلوه واحسبها كثير تنفع لبنت.
في نفس الوقت اتشاور اخذ باقل من المبلغ Bmw X5مستعمل 2008 سته سلندر
وبعد اتشاور اخذ ال C 350 من والوكالة وسعرها تقريبا 220
فشو تنصحوني
واذا في اي اختيارات ثانيه بكون شاكره لكم
واذا في اي حد عنده سياره بي ام مستعملة ويبا يبعها بسعر حلو بليز يراسلني بس تكون نظيفة او حتى مرسيدس
مشكورين يا خواني على النصيحه
وشكلي بستخير مثل ما قال حد من الاخوان وبتوكل على الله
بس مممم موضوع الكت ما اخبذه( على فكره انا بنت 🙂
واحس الكت حق سيارة ريال احلى
يلا نبا المزيد من الآراء بعد
__________________
أختي في البداية صلّي استخارة مب بين هذي السيارات .. وشوفي لأي سيارة نفسج بترتاح أكثر
وما خاب من استخار إن شاء الله ^^
أما عن رايي الشخصي المتواضع .. فـ أنا أنصحج تاخذين المرسيدس فئة الـ E
طبعا انتي تقولين الليتات الخلفية فيها شبه من الهوندا .. بس صدقيني عطيها فترة بسيطة وما بتشوفين هذا الشبه .. انتي تقولين هالكلام لأن السيارة بعدها يديده ^^
وان شاء الله بعد الاخوان الباقين ما بيقصرون معاج ف النصايح
وبالتوفيق ان شاء الله
والله يعطيج خير السيارة مقدما ويكفيج شرها ^_^
اختي مالك غير المرسيدس افضل من البي ام
وشكلها يديد وحلوووووووووو
وموفقه بإذن الله … لك مني أجمل تحية .
دهن عـــــود ملكــــــي نـــــادر
اخي العزيز
السيارتين مميزه بنظري وله ناسها و مكانتها في الشارع
من وجهت نظري انه الــBMW X5 بيتغير شكله و يحدثونه عن قريب ممكن !! بعدين انا عندي قناعه
سياره المانيه مستعملها ما اقربها ,, يديد ابرك ,,
بعدين الـــــ BMW X5 الـــ6 سلندر هب مرغوب وايد و عزم مافي صحيح انك ما بتسابق لكن ليش اخص الشي ناقص ,,,
بخصوص المرسيدس الشكل يديد و توه نازل للسوق ويبيله فتره عشان يتغير
اما بخصوص الليتات الخلفيه فلحلو ما يكمل عزيزي و الي يبي يقول عنها هونا قوله طالع الشعار فديت خشمك ههههههه
طبعا التوكل على الله و الاستخاره هو افضل حل
اسئل الله التوفيق لك ان شاء الله
عليك ب E- CLASS
اليديد حبه شديد عند الناس
وركبله كت E63