في كلام أن الدوام الرسمي ممكن يتغير إلى 9 – 5 مع إستراحة غداء ساعه, يقولك عشان تزيد الانتاجيه لأننا نحن مانشتغل كثر الدول المتقدمه, أنا طبعا معارض بشده للموضوع لأته عندنا الساعه 9 الشمس ماتنطاق مب مثل الساعه 7 ونص وبعدين البركه في الابكار ليش نأخر دوامنا إلى 9 وساعة الغدا هاذي إضاعه للوقت ومعناته ماأتغدا في بيتي وبعدين فترة العمل ماراح تتغير 7 ساعات بدون إستراحة الغداء
شو رايكم إنتوا
41 thoughts on “شو رأيكم لو غيروا الدوام من 9 صباحا إلى 5 مساء”
Comments are closed.
ولا تنسى الزحمة لأن الدوامات بتكون مثل القطاع الخص
نعم أخوي نقطه هامه جدا خاصه في دبي والشارجه
تحياتي وتقديري لمشاركتك
أنا مع رأي الأخوان في معارضة هذا القرار ،،،
تذكروا يا إخواني بأن الإنسان له طاقة معينة للإحتمال وإن زادت هذه الطاقة فوق حدها فقد الإنسان
قوة الإحتمال وقوة التركيز في العمل فبدل أن ينتج الشخص في عمله تقل هذه الإنتاجية شيءً
فشيءً حتى يصبح الفرد دون إنتاجية والأهم من كل هذا يا إخواني ((المعنويات)) فمتى ما كان الشخص
ذو معنويات عالية وصلت الإنتاجية به إلى درجة الإمتياز والعكس صحيح…
وبناءاً عليه فإن مثل هذه الأخبار تؤثر على مجموعة كبيرة من الناس بحيث تبعث فيهم روح الأحباط…
فأتمنى عدم تطبيق هذا القرار ،،، وإن تم تطبيقه فـــــلا حـــــول لنـــــا ولا قــــــوة…:^25:
السلام عليكم
الله يعيننا الصراحه قمنا نقلد الغرب في كل شي، بس للاسف ما نقلدهم صح لازم في شي ناقص،، اذا خلوا الدوام من 9 الى 5 لازم تنظاف مزايا وبدلات جديده مثل الاجانب وعن نفسي ما تفرق المهم 8 ساعات بس الله يعيين الخوات والطلاب الي وراهم بيت و دراسه. يا ناس احنا لين الحين بخير والدنيا بخير والوقت هذا الي بعد صلاة العصر الواحد فينا يبا يشوف حلاله ورزقه في السوق يا جماعه الراتب استوى ما يكفي مع الزياده والبدلات بعد ما يزيد و احنا ملزومين الواحد عنده عييال ومدارس واغرض البيت ،، ما اقول الي حسبي الله ونعم الوكيل ……
و الله كلام صحيح بس شو نسوي أذا طبقوه بالفعل هل نتكاسل و نخلي غيرنا يستفيد ترانا أولى من غيرنا
و بعدين منو يحب يداوم هل كثر من ساعات الواحد وده يداوم 6 ساعات, بس ما في اليد حيله
الواحد لازم يتعب على رزقه و رزق عياله
أقروا هل موضوع و بتعرفون انه في ناس تدور الزله منا
http://www.satfrequencies.com/invest/showthread.php?t=78329
و مشكور يا أمين السوق لفتح هذا الحوار
تحياتي لك بو سعود
السلام عليكم
الله يعيننا الصراحه قمنا نقلد الغرب في كل شي، بس للاسف ما نقلدهم صح لازم في شي ناقص،، اذا خلوا الدوام من 9 الى 5 لازم تنظاف مزايا وبدلات جديده مثل الاجانب وعن نفسي ما تفرق المهم 8 ساعات بس الله يعيين الخوات والطلاب الي وراهم بيت و دراسه. يا ناس احنا لين الحين بخير والدنيا بخير والوقت هذا الي بعد صلاة العصر الواحد فينا يبا يشوف حلاله ورزقه في السوق يا جماعه الراتب استوى ما يكفي مع الزياده والبدلات بعد ما يزيد و احنا ملزومين الواحد عنده عييال ومدارس واغرض البيت ،، ما اقول الي حسبي الله ونعم الوكيل ……
أنا أعارض وبشده، ياخوي اليوم كله بيضيع حتى بعض الناس ما بيقدرون يتغدون مع عيالهم… ثاني شي حاليا في موظفين يدرسون عقب الدوام فهالقرار بيخرب عليهم…
الله يستر…