في كلام أن الدوام الرسمي ممكن يتغير إلى 9 – 5 مع إستراحة غداء ساعه, يقولك عشان تزيد الانتاجيه لأننا نحن مانشتغل كثر الدول المتقدمه, أنا طبعا معارض بشده للموضوع لأته عندنا الساعه 9 الشمس ماتنطاق مب مثل الساعه 7 ونص وبعدين البركه في الابكار ليش نأخر دوامنا إلى 9 وساعة الغدا هاذي إضاعه للوقت ومعناته ماأتغدا في بيتي وبعدين فترة العمل ماراح تتغير 7 ساعات بدون إستراحة الغداء
شو رايكم إنتوا

41 thoughts on “شو رأيكم لو غيروا الدوام من 9 صباحا إلى 5 مساء”

  1. انا اشوف ان هذه التوقيت جيد من 9 الى 4 على الاقل ما بنرقد الظهر وبنكمل لين فليل وبنرقد بدري

    ارباب

  2. من 9 الى 5 ليس معناه انتاجيه افضل واعلى لان الالزام نتيجته التمرد وخبر دليل على ذلك لو تقاس انتاجية الموظف حاليا تجدها بين 3الى 4 ساعات والباقي يضيع في قراءة الجرايد وتصفح الانترنيت يفضل ان تكون هناك نقله نوعيه في الاداره بحيث يعطى الموظف المهام المطلوبه مع مجموع من الساعات المفترض ان يداوم فيها اسبوعيا وان تكون للموظف مرونة الدوام حسب ظروفه الشخصيه ورغباته اي بدل ان يتم محاسيته على 7 ساعات يوميا يحاسب على 35 ساعه اسبوعيا مع قياس انتاجيته حسب المهام المعطاه له

  3. بيكون اوكي اذا زادو يوم على ايام الويكند مثلا الخميس,الجمعة والسبت,خصوصا للعاملين في امارات ثانيه :wtro0:

  4. السلام عليكم

    بالنسبه لي انا ماعندي مشكله بالعكس اؤيد هذي الفكره :075:

    انا مش فارقه معاي لان دوامي من 7:30 الى 4:30 العصر:^7:

  5. ايقولون من 9 الى 4 اخوي
    الله يعين
    عن نفسي انا دوامي يبعد عن البيت 3 دقايق يعني ما فرقت

    تحياتي

    إذا 9 -4 معناته مافي غداء لأنها بس 7 ساعات مثل الحين يعني بيوعونا:hhjkl:
    تحياتي وتقديري لمشاركتك

Comments are closed.