في كلام أن الدوام الرسمي ممكن يتغير إلى 9 – 5 مع إستراحة غداء ساعه, يقولك عشان تزيد الانتاجيه لأننا نحن مانشتغل كثر الدول المتقدمه, أنا طبعا معارض بشده للموضوع لأته عندنا الساعه 9 الشمس ماتنطاق مب مثل الساعه 7 ونص وبعدين البركه في الابكار ليش نأخر دوامنا إلى 9 وساعة الغدا هاذي إضاعه للوقت ومعناته ماأتغدا في بيتي وبعدين فترة العمل ماراح تتغير 7 ساعات بدون إستراحة الغداء
شو رايكم إنتوا

41 thoughts on “شو رأيكم لو غيروا الدوام من 9 صباحا إلى 5 مساء”

  1. يا اخويني الواحد لما يحط قرار ما يكون امعة الانة في اسباب تحد من هذي االفكرة وهيه الجو الحار والرطوبة ثاني شي وسيلة المواصلات يعني اذا كنا نسير الدوام في ساعة بتستوي ثلاث ساعات عام ولا تنسون قطاع خاص وقطاع عام ومدارس وفيه شي يعني الي يدير عمل حر بعد الظهر الله يعينة .

    هاذي جزء من سلبيات كثيره راح نواجهها لو تم تطبيق النظام الله يستر :dddff:
    تحياتي وتقديري لمشاركتك الطيبه أخوي

  2. الفكر فاااااااااااااشله مليوون بالمية

    انا بخبركم ليش
    اول شي نحن بلادنا حااااااره يعني هذا التوقييييت موول مب مناسب

    ثاني شي هاي بلادنا ونحن عندنا التزامات عائلية
    نحن ما نروم نشتغل شرات الاجانب
    لن الاجانب اصلا يايين عسب ايمعون فلووس ويردون بلادهم آخر اهتمامهم الالتزامات العائلية

    واصلا ما بنقدر انتم لين الساعه 5 احس انه تعذيب لن اصلا ما بيكون في شغل
    نحن على الساعه 12 نكون مشطبين على كل الشغل باقي الدوام نيلس انسولف نتريا الدوام يخلص
    ولاتنسون الزحمة اللي في كل بقعه

    في رايي لازم تكون في دراسه لأيجابيات وسلبيات تغيير الدوام الرسمي في كل النواحي
    لنه وااااااايد بيأثر في المجتمع خصوصا ان الجيل اليديد طالع غير شكل
    واذا الاهل اربع وعشرين ساعه في الدوام وما عندهم وقت لعايلها عز الله ضاعت البلاد

    ومشكووووووووووووور ما تقصر على هالموضوع الغاوي صح انه يعرف الضغط بس هاي الدنيا….

    مرحبا أختي والله أني أشاركج كل كلمه قلتيها وفعلا أنا أتوقع فشل هذا النظام لو تم تطبيقه مثل ماصار في عمان :^28:

    تحياتي لج أختي الكريمه على المشاركه الطيبه

  3. انا مب فارقه عندي هههههههههههههه دوامي شفتات كل يوم وقت غير عن اللي قبله

    دوام الحال من المحال مصيرك ترجع دوام رسمي مثلنا :075:
    تحياتي وتقديري لمشاركتك الطيبه أخوي

  4. يعني ما شي عيووش وسمج تفتح سدت المكتب وتاكل سنكرس

    أكيد شي نحن مانشتغل إلا إذا لكروش متروسه , قبل بس نتريق في الدوام الحين بعد بنتغدا
    تحياتي وتقديري لمشاركتك الطيبه أخوي

  5. خلاص نحن متعودين على دوام ال 7:30 الى 2:30 واذا تم تغيره لازم بيغيرون وياه اشياء كثيره وفي كل القطاعات و المجالات
    كفايه غيروا اجازة الاسبوع من الخميس الى السبت

    وتسلم اخوي امين السوق على الموضوع

    ياخوي الظاهر الموضوع له علاقه بزيادة عدد المواطنين في القطاع الخاص :064:

    تحياتي وتقديري لمشاركتك الطيبه أخوي

Comments are closed.