السلام عليكم
اشحالكم
عندي فكرة ان شاء الله تعجبكم وفيها فايدة للكل
الفكرة
قسم السيارات والدراجات مخصص لكل هذة الاشياء + الملحقات او الاكسسوارات
الفكرة انا بنفتح موضوع مثبت واحد نضيف فية كل سلعة تخص السيارات والدراجات يقدمها العضو
بشرط انة يعطي الاعضاء خصم ويكون السعر اقل من السوق
مثلا
اخونا عيسى البلوشي عندة قواليص حلوة
يبيع العربانة مثلا ب 4000 درهم
وحق الاعضاء ب 3800
بنثبت موضوعة
مثلا العضو حظك حلو
يبيع كمريسر او بمب هوا ب 500 درهم يسوي للشباب خصم ويسير سعرة 480
نثبت موضوعة
واحد عندة سامان تزويد دراجات او سياير
مثلا هدرز البانشي ينباع ب 1500
هوة يبيعة ب 1400
نثبت موضوعة
كل هذةالسلع بتكون في موضوع واحد مثبت فية العروض ونسبة الخصم
وبهذة الطريقة الاعضاء بيستفيدون من الخصم والبايع بيظهر ربحة لانية يبيع وااايد
وعى قول اخوانا المصرين يابخت من نفع واستنفع 
السعر مهم ولازم يكون اقل من السوق
شو رايكم
فكرة في محلها
وبتقضي على مواضيع اعلانات الاكسسورات والتزاويد والمكاين والتواير…. الخ
اللي محتلة الصفحة الأولى
وبيكون كل هذا في موضوع واحد مثبت
أشكرك بو عسكور على هالفكرة
ونتمنى تطبيقها بعد مشاورة أخوانا التجار في المنتدى
تحياتي
فكره حلوة يعني الفكره مثل الموضوع اللي كنت مثبتنه في المندى العام (معرض الصور)
فكره حلوة ونتمنى تطبيقها
السلام عليكم
اسمحلى انا ماشرحت الموضوع عدل
يبكون موضوع واحد مثبت ومغلق اللي عندة عرض يرسلة الي المشرفين في القسم ونحن بنضيفة الي الموضوع مع الصور والسعر قبل الخصم وبعدة وطريقة التواصل
بس موضوع واحد فقط ….وينضاف علية ويغلق
عسل يا سعيد .. لانه عندي شي ناوي ابيعه جريب بس نتريا ينتهي موسم القيظ
السلام عليكم
اسمحلى انا ماشرحت الموضوع عدل
يبكون موضوع واحد مثبت ومغلق اللي عندة عرض يرسلة الي المشرفين في القسم ونحن بنضيفة الي الموضوع مع الصور والسعر قبل الخصم وبعدة وطريقة التواصل
بس موضوع واحد فقط ….وينضاف علية ويغلق
فكره طيبه اخووووي ..
وانا اوافقك