السلا عليكم شيبة وشيبان، بنات و عيايز 
سرت اليوم وكالة الطاير وحجزت فورد كراون فكتوريا موديل 2010 مع صيانة مجانية لمدة 5 سنين او 100 الف كلم…. والسعر 85 الف درهم….
شو رايكم في السيارة من ناحية الاعتمادية او ناحية ثانية واللي عنده خبرة في هاي السيارات لا يبخل علينا بالنصايح والتعليق وكله في ميزان حسناتكم
كان عندي الكابريس القديم الصابونة واشتقت لايامه فحبيت اني اخذ الفورد لان الاولى تغير كثير
نترياكم 
اخوي السياره بالعربي حمار مكده كثر ما تدقها بتستحمل بس بشرط تحافظ علي زيت مكينه لانه كل مكاين الفورد فيها تبخير بسيط ومن ناحيه متانه حلوه كانك قاعد بقنفه واما بسرعه حلوه وصرفيه بانزين كانه صرفيه كامري قراندي وفيها عيب واحد انه هواء خارجي يدخل عليك ومافيها اعطال واجد …
موفق بإذن الله … لك مني أجمل تحية .
السياره ممتازه ومريحه وماعليها كلام بس يكون شكلها في الامارات شوي غريب .
ألف مبروك .. لقد سعدت بهذا الخبر
من افضل السيارات الامريكية
جودة وراحه موفق ان شاء الله
يعطيك خيرها و يكفيك شرها ..
سيارة للمسافات الطويلة .. بتعمر وياك و كراسي مريحه ..
بس دامك طايح فالزحمه .. عمرها يقصر سنه بكل ساعه واقفه فيها
معشوقة الشعب السعودي .. و منبوذه هني فالامارات