بصراحه من كثر الحره الي فيني من خدمة الشامل للاتصالات حبيت أفتح الموظوع للجميع للمشاركه وابداء الرأي. أعتقد الي سافر شاف الفرق وعاشه من حيث سرعة النت وجودة خدمة العملاء. علي سبيل المثال اذا حبيت تشترك بالنت بأمريكا عندك أكثر من شركه وكل شركه تعطيك امتيازات وفوق هذا الاشتراك مايكون بالزياره الرسميه للشركه مع جواز السفر وألف توقيع بكل بساطه تتصل بالشركه وتعطيهم بياناتك ورقم الفيزا وبعد اسبوع يكون شغال وبسرعة البرق.
بتسافر بريطانيا عندك خمس شركات تختار من بينها الأفظل فعلي سبيل المثال شركة فيرجن تعطيك عرض انترنت+خط تلفون+دش فقط ب 20 باوند بالشهر (150درهم) وبسرعة 2 ميغا. أنا اعرف ان اتصالات المحتكر الوحيد بالدوله وبخبرة 30 سنه بس للأسف سرعه للنت مستحيل مع ان الشامل مفروض أنه الأفظل والمشكله الرئيسيه كل المواقع محظوره حتي لو كانت عباره عن مواقع للبحوث او لشركات خاصه خارجيه بعديعطيك محظور.
أتمني أن تحسن اتصالات من خدماتها الفنيه مب دعايه والواقع ميت. الخبره موجوده والدعم موجود بس مانريد الأ تحسين خدمة الانترنت ويكون ارساله أقوي وأفظل مثل أي دوله متقدمه………
والسموحه اذا طولت بس الموظوع يمكن يستاهل النقاش واسمحيلي يا اتصالات ماينصحك الا الي يخاف عليك ويحبك للافظل
اعتقد لو نزلت اتصالات 20 ميغا بتكون نفس الخدمه ونفس التقطيع والله ماقول غير ياخساره يا اتصالات صارت أفريقيا أحسن ومايفكرون بالكسب المادي بس يفكرون بالجوده وراحت العميل. اتصالات نزلت خدمة الموبايل الاولي عالعالم العربي حتي النت دخل بيتي عام 92 فالمفروض بعد مرور ربع قرن خبره تكون الاسرع والافضل ومب كل شي ممنوع. طبعا منع المواقع المشبوهه خدمه جدا ممتازه للجميع بس شو خص مواقع الاتصال عالنت او حتي المواقع الخاصه بالبحوث…..الخ
ليش ما اتقدم على 4ميقابيت
والله اتصالات ولا شي بس منجبرين مافيه غيرها
سوا من خدمة الانترنت ولا الخدمه بشكل عام
ندفع الاف الدراهم للفواتير شهريا يعني فيه ناس فاتورتهم الشهريه من 3000 الاف الى 5000 بالمقابل وين الخدمه الي تستاهل — في بريطانيا اذا فاتورة الخط في البي تي توصل نص المبلغ بشكل شهري على طول تحصل هديه قيمه وتستاهل
يقولون ف الكويت خدمة الانترنت يوفرونها لك اذا طلبت خط الهاتف وتكون مجانيه ماعليها اي رسوم دام خط الهاتف الثابت عندك موجود
والله العالم
مستحيل يطورون لان تفكيرهم بالماده وبس. منو يصدق المكالمات الدوليه عندنا تبدأ بدولار واذا اتصلت من بريطانيا الدقيقه بربع درهم شوفوا الفرق. انا أتمني بس يزيدوا سرعة النت ويفتحوه ومايمنعوا الخدمات مثل skype