حياكم الله
ربيعي بيشتغل في المالية و حاب يعرف عنها اكثر
عطوه اوفر بس ما يعرف اذا الراتب مناسب
بشكل عام شو رواتبهم
عطوه الدرجة 11 و براتب يقارب ال 20 ألف،،، و عنده خبره و شهادة جامعية
شو رواتب الجهات الحكومية الثانية
يزاكم الله خير
5 thoughts on “شو رايكم برواتب دائرة المالية في حكومة دبي-ديوان الحاكم”
Comments are closed.
الله يزيدكم الخير
وهالرواتب عقدت في كل حد
أنا اشتغلت فالمالية 5 سنوات ،،،
الراتب مب أهم شي اخويه ،،،
أهم شي المنصب و المسمى الوظيفي والادارة اللي يشتغل فيها،،،
راسلني على الخاص وبفيدك أكثر ان شاء الله
أخوي لتصحيح معلوماتك … قانون الموارد البشريه لحكومة دبي الجديد لا ينظر للخبره و الشهاده … المسمى و المهام المنوطه لك هي الي تحدد على أي درجه تكون…و دايما يعطونك أول المربوط من الدرجه و نادرا ما يطالب المدير ب 40% زياده و غالبا يأتي الرفض من قبل شؤون الموظفين
و الشكاوي الي كانت على البث المباشر بخصوص قانون الموارد البشريه لحكومة دبي الجديد كانت بسبت عدم احتساب الخبره و الشهاده …
أخوي أنا في دائره حكوميه عدد موظفيها يزيد عن 10000 موظف و رئيسة شعبه في مجال فني درجتي الوظيفيه 13 و الراتب 21000+ ….. في هالحاله أنا و الاداري متساوين في الدرجه و الراتب …. مع أن مهامي أصعب و أكثر ….
الاستقالات في حكومة دبي سببها الي ذكرته … بس أحن في انتظار الزياده و التعديل … و بالنسبه لي لي ولاء لدائرتي و لدولتي …. على رغم العروض الي أحصلها برع …..
أزيدك من الشعر بيت نحن مع التوطين … من سنه و أنا أحاول أوظف مواطنيين …سواء خريجين جدد أو من ليس لديه خبره في مجال الفني لانه قبل بأي وظيفه …. يجي و يتشرط يبي الراتب الفلاني …
على رغم بأني أشرح الاوضاع و ما أخبي عليهم شئ مع ذلك يصرون على رأيهم …
كيف أعطي خريج جديد درجه وظيفيه أعلى و راتب أعلى و الموظفين الي عندي ومن له خبره يستلم راتب أقل …هني بكون ظلمت الموظفين الي عندي …
إذا المواطن هذا تفكيره فأحن ما ننلام إذا وظفنا وافدين أو عملنا عقود مع شركات يقومون بوظايف الاداره …
^^ كيف شويه؟ الدرجة 11 وبراتب 20 يعني تقريبا نهاية المربوط. بالعكس أنا أشوف الراتب وايد زين، وما أتوقع يحصل أحسن من شيه إلا إذا عنده خبرة طويلة !
اخوي حسب قانون الموارد البشريه لحكومه دبي الي فالدرجه 11 رواتبهم من 13 الى 23 الف تقريبا و هالشي ينطبق في كل الدوائر التابعه لحكومه دبي للي من نفس الدرجه …
اذا هو جامعي و عنده خبره اشوف ان الراتب وايد شويه بالنسبه للدرجه المعطيه ..