شو رايكم بشرطة العين وبالذات المرور والمتابعة

شو يعني قناااص

والنعم فيهم
كل زاويه قناص وكل نخله كامره ههههه

انا من زمان ابا اتكلم
لكن الله يسلم اذا تكلمت
وانا اعرف ان الكل بيقول انه في شباب مستهترين ودواهم يتأدبون
لكن انا قريب الاربعين والحمدلله عاقل
بعطيكم مثال
مره سرت فندق روتانا العين عندي اجتماع وطالع من بوظبي وراجع
وما فيه ولا باركن فاضي
ووقفت يمب الرصيف ولونه ابيض واسود .. مش اصفر واسود
لمدة ساعه
شو تعتقدون خالفني الشرطي
اول مخالفه الوقوف في مكان ممنوع ,,,, قلنا ما عليه
الثانيه الوقوف في وسط الطريق ,,, هذي عاد اللي ظهرت لي قرووووون
اتصلت بالعمليات وخبرتهم وطرشوا لي ثلاث دوريات
وسألتهم ليش هالكثر الظلم
وليش مخالفتين لنفس السبب
الكاميرا مالت السيكيوريتي موجوده
وسألتهم
اذا الرصيف اليمين وسط الطريق !!!!!
والرصيف اليسار بعد وسط الطريق !!!!!!
ووسط الطريق بعد وسط الطريق !!!!!

عيل وين كتف الطريق ؟؟؟؟

ولا واحد عرف يجاوب !!!!!
وقلت لهم يا اخواني يا شرطه اعتبروني ما افهم وشرحوا لي
هل هذي المخالفه صح ….. محد عرف يجاوب
قالوا لي راجع الضابط باجر في العين ………. قلت لهم انا من بوظبي وعندي ستين شغله
قالوا عيل بعدها طويله ..وبكل ابتسامه ساخره… قالوا بعده وراك تحقيق اذا تبا تكنسل المخالفه او اذا عندك اعتراض ويمكن السالفه فيها وكيل نيابه ويمكن ويمكن وفي الاخير تراهم بيصدقون الشرطي وما بيصدقونك

قلت لهم انزين هذا المكان ما فيه باركن فاضي
قالوا دبر نفسك وتعال في تكسي !!!!!!! ( قمة الاستغراب)

تبغون الصدق

اللي ما يخلص منهم دفتر مخالفاته ما يطلع اجااااازه و و و ,,,
هذا الكلام اللي نسمعه منهم

ولا تقولون انا متهور والا طايش ………. انا شيبه وعاقل

ومره سرت لابوي شالتنه الاسعاف للمستشفى
وكلتلي مخالفات فالطريق من دخلت بس العين يمكن قناصين وكم مخالفه و 12 نقطه وكلهن في الشوارع اللي على اطراف مدينة العين ؟؟؟؟

انا شفت لقاء مره مع الشيخ العبيكان المفتي السعودي اذا في حد ما يعرفه
سأله المذيع عن مخالفات الرادار والشرطه
قال الشيخ وبمعنى كلامه
المسلم لا يعامل بهذا الاسلوب
لان المسلم يعتبر انسان عاقل وكيس ولا يأخذ بجريرة الجهال
واذا كان الشارع سرعته ثمانين وهو مشا مائه وعشرين او مئه واربعين فهو عاقل ويعرف يقيس اذا الطريق فاضي او مزدحم
وهذا المال احق به اهله
وان السلطان اذا ضيق على شعبه ضيق الله عليه
والسلطان هنا الشرطه وبصراحه مضيقه علي

والكلام اللي نسمعه من بعض الشرطه اعتبر بعضه غير منطقي
يقولون انه لما حطينا الرادارات قلت نسبة الحوادث بناء على الاحصائيات السابقه

ولكن الاحصائيات السابقه مب مرجع
لان الشوارع تغيرت وكبرت وتعدلت
ولان السيارات زادت معايير السلامه فيها

اما اييب احصائيه يوم السيارات كانت جيتي ولاندروفر وداتسن والشارع سيد ورون سيد وما فيه اضاءه واعتبرهن مرجع
هذا غلط

يلين الحين انا ما سمعت او شفت شرطي يوقف واحد يمشي 60 في السيد اليمين ووراه طابور سيارات لان السرعه فالشارع 120

ويلين الحين اشوف السيارات كلها متكوده في السيد اليسار والنص اما اليمين فاضي !!!!!

الشرطه المفروض تثقف مب تمص فلوس الناس

وكثير من الناس دخلها محدود
واغلب الناس شغلها بعيد عن بيتها
والقناص قاعد لهم بالمرصاد من صوب
والمدير قاعد يطالع الساعه ويحسب عليهم التأخير عن الدوام من صوب
والتكاسي تزاحمهم في الشوارع بسواقين ما عندهم ليسن الا من كم شهر من صوب
وغير وغير

لكن ما اقول الا الله المستعان

وقلت لكم ما ابا اتكللللللم — ششششش

يعطيكم العافية

وبانتظار ردود اكثر واللي عنده اي ملاحظة يطرحها

.

.

.

لإن استهتار الشباب فاق حــــــــــده

انا كرهت السواقة

شارع عدّال بيتنا و السرعة محددة فيه بـ 60

واللي وراي معصب و يديّم و يسوق فوق 120

و المفروض افسح له الطريج

هُنا فعلا نحتاج للقناص

سرعة الشارع 60 او حتي 100 يا عزيزي امسك المسار الاوسط

بعض الاخوان الدنيا بخير عنده يمشي 80 وماسك المسار الايسر اللي هو خط التجاوز اكيد راح اديم له ليت مره ومرتين

فيه ناس مستعيله وراها مواعيد او اشغال او حالات طارئه وليس فقط تهور !

31 thoughts on “شو رايكم بشرطة العين وبالذات المرور والمتابعة”