بسم الله الرحمن الرحيم
اسلام عليكم ورحمة الله وبركاته
اخواني ممكن رايك باللي يصير عندنا فالعين
قناص
رادارات متحركة
متابعة المرور مب مخليه حد في حاله
ابغي رايكم وعقب بقولكم ليش انا ادرجت هالموضوع
ملاحظة: ارجوا ان الرد يكون مدروس ومن غير اي غلط
عن عائشة رضي الله عنها، قالت: سمعت النبي صلى الله عليه وسلم في بيتي هذا يقول:
((اللهم من ولي من أمر أمتي شيئاً فرفق بهم فارفق به، ومن ولي من أمر أمتي شيئاً فشق عليهم فاشقق عليه))
القانون فوق الجميع
والله مع احترامي للمرور بس قسما بالله مرور العين والدوريات وغيرها
وربي صفرررر ع الشماااال من خاااااطر من ناحية المخالفات ..
اوك انا شبااابي وصغير بالعمر .. بس طاااالب جامعي راعونا يا جماعة الخير ..
والي يقهر منو يخالفنا واحد توه بو 19 سنه توه متوظف ولا يعرف القوانين ..
والي زادني قهر مره يودوني كنت بموتر اخوي كورولا يا جماعة الخير كووروولا
ميوديني طيش وتهور اونه لا والساعه 2ونص ساير اييب عشى لاني كنت راقد .. حسبي الله عليكم
ليش والله شفناك تترايس ويا فتتتك .. يا ولد الحلال خاف ربك
حدث العاقل بما يليق فان صدق فلا عقل له .. وين صارت هاي كورولا ويا فتك .. الله المستعان ..
وسحبوني مركز الشرطه وبهدلوني بهدله والله تميت وياهم لين 4 ونص الفير ف الحجز ..
وبضرابه و938578578753 تلفون لين ما طلعوني .. وقالو اسفين كنا غلطانين ..
شو بقول في حالتي؟؟
ولا مره ع العشى سرت مبزره وبعد ف الكورولا عقبها باسبوع هالسالفه .. ويا الشباب
وتعشينا واحنا رادين قلنا بنلف شوي وبنطلع من ورا من اخر المبزره ..
توني مشغل الموتر وطالع من الباركن ما لحقت شغلت الليت وقفني راعي دوريه ياهل بو19 سنه
والله مخالف انته ليش يا طويل العمر؟؟؟؟ وكلي علامات استفهااااااااااااااااااام
اونه تمشي ف الشارع بدون ليتات حرااااااااااام عليك تووني طالع من الباركن قالي لاوالله انا من زمان مراقبنك
بس انت ما تبا تشغلها الظاهر يود مخالفتك وتوكل يلا ><” ..
ياخي والله احنا من راس الخيمه وندرس ف العين وكرهنا عمارنا من هالمخالفات الي مالها داعي
ويوم تبا تبرر موقفك روح المحكمه المروريه وتروح لهم يقولك عندي اهم منك اتريا انت ..
ويخليك لين اخر الدوام وعقب يقولك تعال باجر ..
ياخي ويييييين وييين تبوون .. والله رب العالمين ما يرضى بالي يصير يا جماعه ..
ترا خلاص الشعب ضااقت به الدنيا .. طفرناا .. اكثر عن جي وين بنروح ..
آخرتها بيي من راس الخيمه اوك بموتري .. بوقفه برا العين وبدخل العين بسيييييييييييييييييييكل
والسموحه ع الاطاله بس هذا شوي من الي في قلبي ..
جزام الله خير
انا بقولك سبب موضوعي
نحن اهل العين طفرناااااا
والله طفرنا
يعني مضيقينها علينا من كل مكان
قناص
دوريات
متابعه
ليش نحن راكبين صواريخ مثلا
انا بتكلم عن القناص
الحين هاللي يحطون قناص مافيهم مخ
القناص يثبت يوميا من الساعه 11 الى الساعه 1 فليل من دوار جوهرة
والتذكرة تستلمها عند دوار حديقة الطويه
وهالكلام يوميا
ومن دوار المرور الصغير ( شارع المدارس) الى دوار جسر هزاع ( وهني يوقف واحد الله لا يرويكم) جن فلوس المخالفات تنزل في حسابة لو كحيت بيزيدك مخالفتين وانته تضحك
رساله الى كل من يعمل فالمرور
الشرطة قصدها من المخالفات توعية الناس وارشادها مش تاديب وتغريم
قبل لاتخالف فكر فالشخص اللي قدامك شوفه يمكن هو مذنب بس مش قاصد
يمكن يكون مذنب بس ما يقدر يدفع المخالفه يمكن ويمكن
الله المستعان
قناص انسان يحب يقتل الاوادم