السلام عليكم ياشباب شو رايكم بمكاين الميركوري بشكل عام ؟؟ من ناحيه الاعطال وتوفر قطع الغيار واسعار القطع مقارنه بالياماها ؟؟ لاني اريد اشتري مكاين ميركوري وخايف اتبهذل فيهن؟؟ ومحد عندنا مركب ميركوري !!!! ارجو الافاده وانتظر ردودكم
9 thoughts on “شو رايكم بمحركات الميركوري؟؟؟ انتظر ردودكم الطيبه؟”
Comments are closed.
افظل محركات في الميركوري 225 اوبتمكس او efi واي مكينه اقل او اكبر من 225 ميركوري ما تنفع ابدا هذا في الميركوري
من ناحيه القوه والعزم الميركوري اقوى
من ناحيه الوكاله وتعاملها الميركوري افظل من الياماها بوايد
ميزه الياماها هي كل واحد ممكن يصلحها يعني اي ورشه وقطع الغيار متوفر في اي محل بحري
الميركوري ما شي تصليح الا في الوكاله
الاسعار تقريبا متشابه الميركوري شوي اكثر شوي مب وايد
صرف البترول الميركوري شوي اكثر مب وايد فرق
بشكل عام وحق الصياد بالذات ال200 ياماها افظل
وفي الاخير يعتمد على الطراد والغرض منه
لكن نصيحه اخيره
اذا فكرة تركب ميركوري لا تركب الا 225 اوبتمكس او efi وغيرهن لااااااااااااااااااااااااا
نبا توضيح اكثر , كيف اليماها للخساير ؟ والميركوري مثل شو تحتاج صيانه دوريه ؟ شو اللي يصينونه فيها ؟
السلام عليكم ورحمة الله وبركاته
عزيزي
ما فيه مقارنه بين الثنتين
كل منها لها ميزه عن الثانيه
ان كانت راعي بحر وفيك نوع من الاهتمام بالامور الفنيه ومتابعة الصيانه الدوريه عليك بالميركوري
اما اذا من النوع الي دق سلف ومخباك عامر للخساير عليك بالياماها
هذا باختصار وبصراحه
هلا اخوي
اذا انته تستخدم الطراد سماج خلك على الياماها احسن لانه قطع غيار الميركوري وصيانه الدوريه اغلى من الياماها
نصيحه
ابعد عن الشر وغنيله
وبالتوفيق
وعليكم السلام ورحمة الله وبركاته
اخوي شوف اذا انته كشات ركبهم ومايهمك ولكن لو صياد مانصحك فيهن لاني ركبت هالمكاين يعني مشي ماعليهن كلام بس استخدامهن سنه مش اكثر