السلام عليكم ياشباب شو رايكم بمكاين الميركوري بشكل عام ؟؟ من ناحيه الاعطال وتوفر قطع الغيار واسعار القطع مقارنه بالياماها ؟؟ لاني اريد اشتري مكاين ميركوري وخايف اتبهذل فيهن؟؟ ومحد عندنا مركب ميركوري !!!! ارجو الافاده وانتظر ردودكم
9 thoughts on “شو رايكم بمحركات الميركوري؟؟؟ انتظر ردودكم الطيبه؟”
Comments are closed.
الميركوري جهز فلوسك للصيانه لكن بالمقابل خذ سبيد
واشبها بالسيارات الأمريكه قويه وكثيرة خراب
الياماها عمليه جدآ وسعرها فيها
وأشبها بالتيوتا
السزوكي زينه بس يبغيلها فلشنق بماي حلو عقب كل طلعه
ولا بتتعب بالصيانه
وأشبها بالنيسان
وعالعموم مثل ماتفضلو الشباب عليك بغسيل المكاين بعد كل طلعه بماي حلو
عشان تعمر معاك المكاين مهما كان نوعها
السلام عليكم ورحمة الله وبركاته
عزيزي
الجير هب مشكله اذا تعاملت مع الطراد بالاسلوب التالي
اولا المكاين قويه ولهن عزم كبير وايشلن كل الطرادات لكن الامر يتطلب انك تمشي الطراد اول مره على القلبه وتوصله الين ال 3000 لفه شوي شوي وبعد ما يشتل صدر الطراد تكبس لل 4000 واكثر حسب رغبتك بالسرعه
شخصيا طرادي الكبير في الوقت الحاضر ال 42 قدم وعرضه 12 قدم ومركب عليه مكاين ميركوري 225 اوبني ماكس ولله الحمد لاكسرت جير ولا غيره
ومثل ما ذكرت دلعهن اشوي بالصيانه والمحافظه عليهن
بارك الله فيك
الزود لمعلومية الشباب
المركوري طال عمرك 250
تو سترووك فيها بوووور
بس عيبهم القيووور
لاتعطيهيم العين الحمره دلعهم شوووي
وعليك بالسيرفس
ورااح تعيش ويااك
وخذ الكلام من تجربه خااااص
عزيزي
شكرا لاستفسارك
الميركوري كما ذكر العضو d3ather وما بزيد كفى ووفا وجزاه الله خير
اعمال الصيانه الدوريه من المفروض تحافظ عليها علشان تعمر المكاين وياك لاطول فتره بلا اعطال
صار لي 17 سنه مع هالمكاين ميرينر وميركوري لكل طراداتي المفضله والحين عندي 4 مكاين مركبه على الطرادات
كل شهر تقريبا اتصل بالوكاله وايي الفني لتبديل آيل الجير وفلاتر البترول وايجيك على اية اعطال حيث ان المعدل 90 – 120 ساعه في الشهر للرحلات البحريه
طبعا من المفروض ان ابدل البلكات كل 6 شهور الى سنه او انظفهن علشان ما تضعف المكاين وايدخنن
مكاين الميركوري لاتخاف عليهن وعندي الحاليه الاقدم ماشيات 1900 ساعه وموديلات 2008 والحمد لله يشتغلن على اكمل وجه
ان كنت في بوظبي فاشهد بان الوكيل دلما مارين ما بيقصرون وياك
الضمان بيكون سنه للسماج والتجاري و 3سنوات للكشات واذا كان استعمالك عادي خلال الثلاث سنوات الاولى بتزيد سنوات الضمان الى 5 سنوات
الفقاعي لك عليه شوي بس الله حق ما يقصرون وياك
الياماها بعد انتهاء فترة الضمان الله ايعينك
…………………………
النصيحه
حاول بعد كل دشه انك تعسل المكاين بماء حلو
نظف دائما البروانه وتاكد من اية خيوط لافه على البروانات
استعمل الايل الخاص بالمكينه ولو انه غالي اشوي شغل التحاري خله بصوب