السلام عليكم و الرحمه ..
اخواني اللي يربو السياره ايخبروني عنها ما عليكم اماره لأني ناوي على وحده انشالله …
يعني قولوولي شو المواصفات الزياده عن 2008 و شو القوه زادت و لا و شو عيوبها و جيه يعني و عكم بيمتونها ؟؟؟
مشكووووووووووووووووووووووووووووووووووووووووووووووو وووووووووووووووووووووووووووورين
السلام عليكم
أنا عندي وحدة رصاصية ومن داخل بني ثاني سيارة أنباعت في المسعود كملت عندي اكثر من شهر الصراحة السيارة ماعليها كلام إذا ما قارنتها بالموديلات الثانية الي من نفس الفئة
1- قوة
2- ثبات
3- صرفية بترول بالنسبة لحجم الكينة والقوة معقولة جدا
4- مريحة
5- الشكل الخارجي حلو و الموصفات الداخلية حلوه
العييب الي فيها
1- الكراسي الخلفية ضيقة و الدبة بعد يعني ماتقدر أتشل أغراض وايد
2- صوت الهوا شوي عالي مقارنة مع الصالون أعتقد لأنه الرفارف كبار
3- أتخليك تسرع و ماتحس إلا العداد وصل 200
مع السلامة
ابا اعرف ليش مب من فئتها ?
الانفنتي سبورت
الـ ML500 مب سبورت
الـ ML63 هي السبورت والي تكون من فئتها
السموحه شباب ع المداخله الي مالها خص بالموضوع خخخ
السيارة أخوي استلمها من عشرة أيام
واستخدمتها أنا بصراحة روعة وقمة في المواصفات
الحلوة من جميع النواحي وكل يوم نتفاجئ بشي
بشكل عام أبرز السلبيات :
1) ضيق نسبياًً في الكرسي الخلفي
فقط لا غير والسبب أنها سبورت .
ملاحظة :
كنا حاجزين السيارة من شهر ونص واللون المختارينه ” بني ” وموعداستلام السيارة
10 من رمضان قبل بيوم اتصلنا فيهم عسب نتأكد من استلام السيارة قالوا السيارة موجودة بس الاستلام بعد 15 الى 20 يوم .
اليوم الثاني أخوي في الوكالة ( شوسالفة التأخير )
خبروه ان السيارة فيها شحفة على الرنق من الشحن وهم طالبين رنق من الشركة لتغييره.
السيارة يمكن فيها شحفة على البدي لأنهم ماخلو أخوي يشوف السيارة فخذ اللون الأسود عن الشك .
نصيحة اللي يبا اللون البني يتأكد من السيارة انها مب مشحوفة أو أي شي فيها . ” وكالة دبي “
ما عيبني شكلها من برع و بالذات مقدمتها. و سعرها من وجهة نظري عادي مقارنة بالباجي. و لكن من الداخل…حدث و لا حرج. السيارة من الداخل في غاية الفخاااااااااامة. و سلامتكم
طحت على العوق .. اسميك ذويق