شو رايكم في الالتيما ؟؟؟

23 thoughts on “شو رايكم في الالتيما ؟؟؟”

1. هلا اخوي تبا نصيحتي خذها وانت مغمض واسعة قوية 6 غيارات صرفيتها ممتازة شكلها وايد حلو بس اذا بتاخذ خذ بو جناح 4 سلندر فل ابشن مع فتحة واييد حلوة وقوية والسيرفس اوكي مالها واذا على اللون شوف الرمادي الغامج حلو واييد خاصة اذا كان فيها جناح وبعد مافيها خرابات

   شكرا لك على ردك الكريم

   يعني خلاص

   اسير الوكالة الحين وانشعها

   ولا اصبر شوي

2. هلا اخوي تبا نصيحتي خذها وانت مغمض واسعة قوية 6 غيارات صرفيتها ممتازة شكلها وايد حلو بس اذا بتاخذ خذ بو جناح 4 سلندر فل ابشن مع فتحة واييد حلوة وقوية والسيرفس اوكي مالها واذا على اللون شوف الرمادي الغامج حلو واييد خاصة اذا كان فيها جناح وبعد مافيها خرابات

3. ههههههههههه

   شكرا لك على المعلومات

   الصراحة وبكل أمانه كنت فعلا وأنا اقرأ ردك الكريم

   وأقول في نفسي خلاص إن شاء الله باخذ وحده ههههههه

   وشو دراك إنه كاااااااااااااااش ههههههههههههه

   والله تبا الصدق ،، اشوفها مناسبة وسعرها مناسب أيضا

   أنا كنت أدور فوروييل ،، وسرت أشوف الارمادا

   ولكن ،، قلت خلني أشوف الالتيما ،، واشتريها كاااااااااااااش ،، احسن من ما أخذ ارمادا وأحط دين على ظهري

   علما بأنني من النوع اللى ما احب الدين أبدا ،، وتحصلني أفكر ومتضايق إذا على دين ،، حتى لو شيء بسيط وللبنك

   شكرا لك مره اخرى ،، وفعلا تجربتك على الخط وايد تهمني ،، لأنني هاوي سفرات بالبر ،، وكل فترة اضرب خط للسعودية

4. مرحبا اخوي كلمة حق

   بخصوص الالتيما 2008

   انا الصراحه متعجب من الفرق الي صار فيها في خلال سنتين ..

   يعني عشان اوضحل ك

   انا عندي سيارة البيت التيما 4 سلندر موديل 2006

   والصراحه السيارة عملية جداً ومافيها اي مشاكل طول ما انت مجابل التشييكات في الوكالة ما راح اتلاقي اي مشاكل ..

   بس اتفاجأت لما شفت الالتيما الجديدة

   أولاً الشكل الخارجي للسيارة صار وايد احلى عن القديم وانسيابيتها في الشكل وايد جذابه .

   ثانياً الشكل الداخلي فيه نوع من الرفاهية اكثر عن الشكل القديم
   مثل تحكم في السكان وشكل الديشبورد وايد ارقى وبعدين فيها فتحه ( اتكلم عن الاربعة سلندر)

   ثالثاً :- الانجن فيها عزم اقوى عن القديمة .

   رابعاً :- الجير كان 4 غيارات صار 6 غيارات يعني المكينة تكون مرتاحة وصرفية البترول قليله

   خامساً :- والي خلاني اقتنع فيها بشكل أكثر

   قبل شهر سافرت مع اربيعي ( الي عنده السياره حالياً )

   رحنا قطر …. أول شي عيبني فيها ثباتها وثاني شي صوت الهوا قليل جداً ( مع العلم كنا داعسين على الخط ) وماشالله عليها عزم فيها مش طبيعي كونها من فئة 4 سلندر

   والي فاجأني فيها صرفية البترول

   عشان اكون واضح
   عبيتها فل في دبي قبل اليوم الي بسافر فيه
   ومشيت فيها في دبي ما يقارب 50 كيلو

   وطلعت على الخط لين بوظبي كنت امشي 150 كلم

   لكن من استلمت الخط الي بعد المفرق والي ما فيه رادارات مشيت 200-220 كلم لين السلع |

   ما عبيتها بترول لين محطة السلع مع أني كنت مسرع والسيارة على هاي السرعات تكون الصرفية فيها مرتفعة .. ( ادري متهور 🙂 )

   يعني مشتني ما يقارب 500 كيلو وانا داعس .

   شي وايد عيبني فيها وبعدين وايد مريحه السياره

   اسمحلي على الاطالة بس ترا لازم اعطيك تجربتي بالكامل ..

   مادري ليش احس انك الحين بتروح الوكالة وبتكيشش وبتاخذ وحدة لوووووووووول

   تحياتي لك
   

5. وين الخبراء ؟؟؟؟

Comments are closed.