السلام عليكم ورحمة الله وبركاته
شحالكم يا جماعه ؟
ومن العايدين
بتخبركم عن سيارة تويوتا FJ اليديده , شو رايكم فيها ؟
لأني ناوي أشتري وحده فل أوبشن بـ 119000 درهم من البريمي
مواصفات الفل اوبشن
سي دي بلاير
بلوتوث
حساسات
تثبيت سرعه
فقط
شو رايكم في السياره يا شباب هل هي عمليه و قويهحسب ما قيل عنها ؟!!
تحياتي لكم
هلا الغالي ………..
انا الصراحة بعد ناوني اخذلي Fj والصراحة انا جربت السيارة وايد قوية وعملية وفيها عزم كبير وقوية في الرمل وتسلخ الفتكات والاستيشن سلاخ انا بروحي مجرب السيارة وعيبتني وايد من ناحية القوة ونها سيارة عملية ……….. وتكوكل على الله وخذها من البريمي احسلك ……..
ادخل موقع اليوتيوب واكتب fj وحكم بنفسك
تصلخ الفتك صلاخ فى الشارع وفى البر
وتسارعها من الصفر لغايـــــــــــة 100 7.8 ثوانى
ان عن رأي توكل على الله
ولاتنسى الاستخااره فماخاب من استخااار
السلام عليكم و رحمة الله و بركاته
أنا خذت FJ قبل شهرين من البريمي
الفرق بين الفطيم و البريمي : * من الفطيم : الموتر فيه 4 حساسات * البريمي: 2 فقط
من البريمي فيه بلوتوث و من الفطيم ما فيه
السيارة عملية و مشيها حلو… البترول: 85 درهم فل و يمشيك تقريبا 430 كيلومتر
استخير ربك .. و بالتوفيق ان شاء الله
اذا حاب السيارة بالنفس فعليك بها
سيارة قوية بس الشكل لك عليه شوي و من الداخل ديكورها ما حلو ابد و حرام اللي يندفع فيها
اذا تبي فورويل قوي و فخم و قريب من هالسعر
عليك بالباجيرو 3 ابواب
قوة و فخامةو شكل ولا اروع و من احسن السيارت في الرمول