السلام عليكم

قررت اشتري سيارة لي شخصيا كمن الوكالة ..

صح اني سقت الموترين البي ام 650CI والهمر اتش 2 بس كانت للتجارة وليس لي

والحين بغيت استشيركم لسيارة مثل ما يقولون (للطلعه خميس ويمعه) .

ومحتار بين الموترين ,, بشو تنصحوني ؟؟ واي لوم تنصحوني ؟ واللي مستخدم اي موتر منهم فتره طويلة يقولي عنه .. ويزاكم الله الف خير

وشكرا

19 thoughts on “شو رايكم في الهمر H2 بيك اب ؟؟محتار BMW 650ci او همر اتش 2 !! ساعدوني يا اهل الخير”

  1. هلا روح الرميثات

    عزيزي شوف هذا الهمر 2008 من الداخل امغيرين شكله

    مميزات الهمر :

    الهمر يوم يمشي في الشارع ملفت للانظار والكل يلتفت له … أتحس أنك مميز عن الغير .

    وسيارة عملية 100%

    سعرها 250 الف تقريبا ومعقول موب فوق 300 ألف

    وتبها بر ولا شارع ما تقول لا .

    ومن غير الاكسسورارات المتوفرة الها غير شي روعة

    عيوبها :

    تأخذ حيز كبير في الباركن

    بس اذا عندك صالون سيارة ثانية خذ الهمر واتوكل على الله … بكل معنى الكلمة سيارة للمميزيين

    وهذا من وجة نظري الشخصية والراي لك

  2. ما بزيد على الشباب …بس على قوله واحد من الربع مستخدم الهمر مشابه خط من العين لين دبي اول ما وصل قالي دورلي شراي حشره وتقول راكب بيد فرد خخخخخخخخخخخخ بعدين يا خوي امريكي وتقول دبابه حشا وش جاب الي جاب عدال البي ام بعد شوه كوبي يا حلاوه

  3. حرام عليك ياريال شو ياب على الي ياب

    الماني على امريكي معروف طبعا بدون كلام اكشخ وهيبه الالماني بالذات انه بي ام

    الهمر بيقهرك في الباركنات وبتكره اليوم الي خذته فيه وصرفيته وايد بعد واعطاله

    اما البي ام عطا لو كثرت اعطاله بتلقى شراي من هالزلمات باسرع وقت

    بدون مقارنه والله البي ام ولاتتردد وسعرها فيها لو تحافظ عليهاا

    والله يعطيك خيرها ويكفيك شرها انشالله

  4. والله الي انا اشوفه

    البي ام

    حق الكشخة و بصراحة رووعة الـ 650 .. خصوصاً اذا طلعاتك خفيفة

    اما الهمر ينفعلك اذا انته شخص طلعاتك وايده و تحب تنوع البر و المدينة والبحر بعد لوول ..

    نصيحتي لك الهمر ..

    و بالتوفيق ان شاء الله

  5. اخوي شوفلك سيارة ثانية تقارنها بالبي ام او الهمر بس اذا تبغى تدخل البر بالي ام 6 اكلك سير اخذ الهمر احسن

Comments are closed.