مرحبا يا جماعه..

شوو رايكم في هالسياره FJ CRUISER اليديده؟من ناحية السعر والشكل والقوة…
اذا في حد مجربنها يا ليت يفيدنا ويفيد جميع اعضاء المنتدى.

ومشكورين

اخوكم راعي المعاني

16 thoughts on “شو رايكم في ال Fj Cruiser ؟”

  1. مشكورين ع المرور

    بس الصراحه هالايام اي سياره ما تشوفها منتشره ف الشوارع ..تكون حلوه
    واول ما تنتشر مثل اتكاسي تكرهها ^_^ ولا شو الراي؟

  2. الشكل الخارجي إن كان أبيض أو أزرق أو أي لون ثاني غير الأسود الصراحة أبد مب شيء

    الشكل الداخلي ، لا بأس به مقبول للرجال اللي يحب يكرف السياره ، وما تنفع حق الخطوط أبد أبد

    إستخدام داخل المدينة والتمشيه لكن بتتوهق في الدخلات الصعبه وبالبركن وباللفات

    استخدام مريح ورائع لكن يحتاج لها مراجعه دوريه

    ونصيحتي إن كنت تبا سياره خذ أرمادا أقوى وأجمل وأنفع لكن مشكلتها وايد كبيره

    وبالتوفيق إن شاء الله

  3. المهم نزولها في الرملة مثل رملة ليوا

    هل هي قوية بمعنى الكلمة ولا شكل وبس ؟

    وهل تنافس النيسان ؟

  4. تسلمون ع المرور

    حلوة فكرة دوريات الشرطه ههه شيء مميز ! ياخوي انته لازم يحطونك ف المرور ويستفيدون من افكارك الابداعيه ..

    تقريباً وايدين جربوا السياره وقالوا انها عمليه ..اذا بنقارنها بالنيسان كبسوله في الراحه والصرفيه والهدوء..شو بتكون النتيجه؟؟
    يا ريت كل حد يقول رايه

  5. السلام عليكم

    خذتها 119 من الفطيم السياره عجييييييييييييييييييييييييييييييييبه وقويه من امريكا مستعمله موديل 2007 توصلك 85 الف بس المشكله الوانهم سخيفه اصفر ازرق والمده حوالي 40 يوم كنت مستعيل وخذتها من الفطيم
    السياره سياره مكده وتلفت النظر ومريحه وايد وقويه وايد وايد

Comments are closed.