شو رايكم في قرار وزارة التربيه والتعليم في اطالة العام الدراسي وما مدى تاثيره على المدريسن والاطفال والطلاب والطالبات وانتوا عارفين في اي جو عايشين احنا.
وعن مكيفات المدارس كلها خربانه والباصات ما فيها مكيفات.
الخبر بتفاصيله في الرابط.
http://www.albayan.ae/servlet/Satellite?c=Article&cid=1144857962009&pagename=Albayan%2FArticle%2FFullDetail
القرار ما اعتمدوه الا من عقب دراسة …
وانا عن نفسي واثقة بالإدارة اليديده لوزارة التربية والتعليم …
بارك الله فيهم ووفقهم لما فيه الخير للبلاد …
انا مع القرار ..
يا خي اجازة طويلة وجرائم كثيرة..في الصيف ..وخاصة السرقات واعمال العنف ..يعني البيوت اللي تنسرق في البرشاء في الصيف منو سببها…؟؟
الطالب ينشغل بالدراسة احسن من الهياته…. شو بيسوون في الصيف ؟؟؟؟؟
هل تعتقد ان اكثر من 200000الف طالب / طالبة في الدولة يشتغلون في الصيف ….؟؟؟؟
لا اللي يشتغلون في الصيف ما يوصلون الل 10 الاف ولا 5 الاف في الدولة
والبقية وينهم …….؟؟؟؟؟؟؟؟؟؟؟؟؟
دارك انجل انت مع هالقرار لانك ما تحس بمعاناة المدرسين والمدراسات وهم طول اليوم في المدرسه. وخاصة المدرسه اولا المعاناه مع الطالبات ومشاكلهن وثانيا واجبات البيت واي واحد منا كريال اي تقصير من الحرمه في البيت ما يرضى ولو انه عارف ان الحرمه طول اليوم تكرف في المدرسه ولا في اي شغله . ولا انفكر كيف هي قضت يومها من التعب.
وترجع المدرسه تحضر المواد للتدريس لليوم الثاني.
الواحد فينا ما يقدر ساعه وحده يلقي محاضره فمابالك محاضرات لمدة 9 اشهر ونطالبهم بالمزيد مب حرام هالشيء.
وعن الطلاب والطالبات خلك مكانهم وجرب تيلس في الفصل شهر اغسطس ما اعتقد بتستحمل . انت ما شفت اصلا هالايام كيف مكيفات المدارس وازيدك من الشعر بيت بعض الفصول ما فيها مكيفات بالايام،وعن الباصات ما يحتاي اتكلم ، فاذا انت تقدر توفر هالاشياء بعدين اعتقد تقدر تتكلم عن الاشياء السلبيه للعطله.
وعن الحراميه واللصوص اله تقول عنهم فهي حالات نادره واصلا ما اتصير اله بسبب ترك البيوت فاضيه والسفر مثل ما ذكر اخونا الكريم و99% تحصل من قبل الاجانب ولاتنسى ان البرشاء اله تكلمت عنها والسرقات هي بمحاذاة المنطقه الصناعيه وكلها عمال اجانب من الجنسيات الاسيويه.
اذا انت مثل ما تقول سرقات البرشاء تحصل بسبب عطلة المدارس فمعناة كلامك انك تتهم ابناءنا باستغلال اي فرصة اجازه للسرقه ،فاي تربيه هذه اله اتخلي المدرسه بس تمنعهم عن السرقات وكأنهم ما شايفين خير!!
واي طالب يملك عقليه اجراميه بيسوي جريمه اي لحظه سواء في المدرسه ولا برع المدرسه، وما اعتقد انك ما قريت في الجرايد عن البلاوي الاخيره اله صارت بالمدارس،وعن الاعتداءات على المدرسين وعن المشاكل الاخلاقيه ،وغيرها.وهل الجرايم اله صارت في هالمدارس بعد بسبب طول العطله؟!
واخيرا اتمنى انك اتراجع نفسك وخلك مكان المدرس والمدرسه والطالب وبعدين احكم.
والسموحه.
انا مع القرار ..
يا خي اجازة طويلة وجرائم كثيرة..في الصيف ..وخاصة السرقات واعمال العنف ..يعني البيوت اللي تنسرق في البرشاء في الصيف منو سببها…؟؟
الطالب ينشغل بالدراسة احسن من الهياته…. شو بيسوون في الصيف ؟؟؟؟؟
هل تعتقد ان اكثر من 200000الف طالب / طالبة في الدولة يشتغلون في الصيف ….؟؟؟؟
لا اللي يشتغلون في الصيف ما يوصلون الل 10 الاف ولا 5 الاف في الدولة
والبقية وينهم …….؟؟؟؟؟؟؟؟؟؟؟؟؟
احترم رمستك وانت ورمستك على عيني وراسي وكلامك صح ولكن اكثر اهل البلاد يقضون اجازتهم خارج البلاد ، واكثر العوائل ادخل اعيالهم النوادي كنادي السباحة وتعليهم القران و و و الخ
يعني صدقني مافي فراغ
واذا على طاري السرقات الي اتصير تراها هب من اعيال ابلادنا!! هذه عمايل المهنده:064:
الله يستر علينا وعليكم
انا مع القرار ..
يا خي اجازة طويلة وجرائم كثيرة..في الصيف ..وخاصة السرقات واعمال العنف ..يعني البيوت اللي تنسرق في البرشاء في الصيف منو سببها…؟؟
الطالب ينشغل بالدراسة احسن من الهياته…. شو بيسوون في الصيف ؟؟؟؟؟
هل تعتقد ان اكثر من 200000الف طالب / طالبة في الدولة يشتغلون في الصيف ….؟؟؟؟
لا اللي يشتغلون في الصيف ما يوصلون الل 10 الاف ولا 5 الاف في الدولة
والبقية وينهم …….؟؟؟؟؟؟؟؟؟؟؟؟؟
يالله تقليد اعمى للغرب،
الغرب لا عندهم عباده ولا احترام العادة ، يعني بيرد الانسان مهدود حيله لا عبادة لا صلاة لا قراءة قران لا زيارة الاقارب، حتى اعيالنا راح انشوفهم يعني كل شئ راح ينقطع، ( عمل وتعب واكل وارقاااااااااااد) والله انا على عمليه هذا ( عمل رسمي ) اهليه ما اشوفهم بالشهرين… الله يكون في العون
الله يكون في العووون ، يابويه ما نبا زيادة رواتب وبعدها غلاة المعيشه الي ترفع الضغط واتمرض ، نبا نرتااااااااااااااح ( معاش معقول، حياة مرفهة ، راحه، الستر ، العافيه )
الله معاكم
اتفق مع الاخت 100 بلمية